Vognogne Hanao Fangatahagne Hagnatreke ty Sekoly ty Mpitory i Fanjakagney vao Rehe?

Agnelagnela ty 23 taogne naho 65 taogne vao rehe sady manompo marain-tsy hariva? Salama soa vao rehe sady vognogne hanompo amy ze tane anendreagne azo? Naho eka ty vale ireo, magnino naho mameno ty fangatahagne hagnatreke ty Sekoly ty Mpitory i Fanjakagney? Rahalahy naho rahavave tsy manambaly vaho mpivaly agnarivo’e ty fa nameno fangatahagne. Faie ndra tie eo zay, le mbe maro ty rahalahy tsy manambaly paliaentika. Angataho ty Jehovah mba hampitombo ty fagniria’o hampifale aze naho hanahake i Ana’ey. (Sl 40:8; Mt 20:28; He 10:7) Dineho soa ka ty fomba azo’o ampihegnagne ty fotoagne iasa’o, ndra ty andraiki’o manokagne mba hahafeno fepetse hagnatreke io.

Ino iaby ty karazam-panompoagne azo atao naho fa vita i fampiofagnagney? Nisy zao ohatse ty tinendre hanompo amy ty faritane mampiasa firehake hafa ndra handrambe anjara amy ty fandaharagne manokagne hitoriagne amy ty toeragne maro ndaty amy ty rova bey. Tinendre ho mpiandraikitse faritse pisolo toeragne, ndra mpiandraikitse faritse ndra misionera ka ty ila’e. Naho fa misaintsaigne ty fanompoagne i Jehovah rehe, le lonike mba hagneregne ty reha Isaia mpaminany tihoe toy: “Intoy Raho hirahe’o!”—Is 6:8.

ALEFASO TY VIDEO TIHOE MANAO I ASA FIJINJAGNEY O MISIONERAO, LE VALEO RETOA:

• 

  Akore ty fomba ifilianagne ty toeragne hanendreagne o misionerao?

• 

  Ino iaby ty raha atao o misionerao?

• 

  Ino ty fitahiagne azo noho ty asa atao o misionerao?