FAMPIOFAGNAGNE AMY TY FANOMPOAGNE | AMPITOMBÒ TY HAFALEA’O AMY TY FANOMPOAGNE
Mikezaha Hanohigne Fo
Toko’e ho boake amy ty fo ty fankatoavagne i Jehovah. (Oh 3:1) Toko’e hikezake hanohigne ty fo i ndatỳ areke tikagne naho fa mampianatse Baiboly. Akore ty hanoantikagne izay?
Tsy hampianatse ty hamarenagne avao ty tanjontikagne, fa hagnampe i mpianatsey hampihatse izay amy ty fiaigna’e naho hifandrambe maifitse amy i Jehovah. Anò taka’e fa ty hatea i Jehovah antika naho ty hasoa fagnahi’e ty mahavy aze magnomey lily antika. Mametraha fagnonteneagne hahatsapa’e tie tena mahasoa aze amy ty fiaigna’e ty fampiharagne ty raha nianara’e. Agnisa izay ohatse ty miala amy ty toetse raty naho ty fahazaran-draty. Ho fale tikagne naho fa mahatrea tie tea i Jehovah amy ty fo’e i mpianantikagney.
ALEFASO TY VIDEO TIHOE MAHAFALE TY MANAO MPIANATSE: HASOAO TY FAHAIA’O... MANOHIGNE TY FO, LE VALEO RETOA:
Nagnino ty Nita ro nagnontane i Safira tie: “Misy fagnonteneagne vao amy i raha nianarantikay?”
Akore ty nagnampea i Nita i Safira hahatakatse fa porofo ty hatea i Jehovah ty mahavy aze mandily antikagne?
Handroso ara-pagnahy ty mpianantika Baiboly naho mikezake manohigne ty fo’e tikagne
Akore ty nagnampea i Nita i Safira hahatakatse fa ty fagnorihagne ty lily i Jehovah ro anoroantikagne tie teantika reke?