Rambeso ty Fagnampea i Jehovah: Vavake

I Jehovah ro mahavy ty voa i hamarenagney hamahatse naho hitombo am-po o ndatio ao. (1Ko 3:6-9) Naho te hahatrea vokatse amy ty fanompoagne areke tika, le tsy maintsy miantehetse amy i Jehovah mba hagnampea’e antikagne naho i ndaty ampianarentikagne Baiboly rey.

Angataho ty Jehovah mba hagnampe i mpiana’o Baiboly rey hiaretse fanereagne naho handrese ze raha manakatsakagne aze. (Fi 1:9, 10) Farito soa ty vavake atao’o. Mivavaha mba hahazo i fagnahy masigney, amy izay rehe hahay misaigne soa naho hahafantatse ze toko’e hatao’o. (Lk 11:13) Ampianaro mivavake i ndaty ampianare’o Baiboly rey, sady risiho iareo hanao izay. Mivavaha miarake amy i mpiana’o Baibolỳ, sady tognono i agnara’ey naho fa mivavake ho aze rehe.

ALEFASO TY VIDEO TIHOE AMPITOMBÒ TY HAFALEA’O AMY TY FANOMPOAGNE: RAMBESO TY FAGNAMPEA I JEHOVAH: VAVAKE, LE VALEO RETOA:

• Ino ty olagne nanjò i Nita, tamy i reke nampianatse i Safiray?

• Nagnino ro nagnampe i Nita ty 1 Korintianina 3:6?

• Akore ty nampilamigne i olagne nanjò i Nitay?