Soso-kevetse azo Rehafegne amy ty Fivoriagne Aloha ty Fanompoagne

Fandaharagne boake amy i Jehovah ty fivoriagne aloha ty fanompoagne manahake o fivoriagneo iaby. Natao mba hagnampeagne antikagne hifandrisike ho amy ty hatea naho amy ty asa soa ka io. (He 10:24, 25) Toko’e ho dime hatrake fito minitra ty fahareta’e. Tafilitse amy izay ty fizaràgne namagne, fampahafantaragne i faritaney, naho i vavakey. (Naho afara i fivoriagney ty anoagne aze, le toko’e hatao latsake ty dime minitra.) Toko’e hagnomagne soa ty raha azo ze hanompo amy i andro igne ampiasaegne i mpitarikey. Naho Sabotsy ohatse, i androy, le va’e ho soa naho ze hevetse azo ampiasaegne amy i fitoriagney avao ro rehafegne, satria va’e Sabotsy ndra Lahady taloha io ro maro amo o mpitorio ty nanompo fara’e. Inogne ka ty raha soa horehafegne amy ty fivoriagne aloha ty fanompoagne?

• Ty hevetse azo rehafegne boake amy ty Fanompoagne Naho ty Fiaignantika Kristiana: Tari-dalagne Hoahy ty Fivoriagne

• Ty fomba hampiasagne ty raha niseho vaho tsiela ndra vaovao fara’e mba hanombohan-drehake

• Ty fomba famaleagne fanoheragne

• Ty fomba hirehafagne amy ty ndaty tsy mino an’Andrianagnahare, mino ty evolisiona, mirehake amy ty firehake hafa, boake amy ty fivavahagne hafa tsy misy amy i faritaney ey

• Ty fomba idiragne amy jw.org agne, naho ty fampiasagne ty JW Library, ndra o Baibolio

• Ty fomba fampiasagne ty raike amy i Fitaovagne Fampianaragne rey

• Ty atao naho fa hanao fitoriagne an-telefony, fitoriagne an-taratasy, naho fa hiheregne mitilike, ndra naho fa hitarike fampianaragne Baiboly

• Faniahiagne mba tsy ho tratse ty loza va’e hiseho amy i faritaney ey, fahalalam-pomba, fahaiagne manahatsahatse, ty fihetseke mete naho fa amy i fanompoagney ey, ty fomba hanagnagne toe-tsaigne soa, ndra raha mitovy amy ireo

• Ty fampiharagne ty lesogne ndra video boake amy ty bokekele tihoe Hasoao ty Fahaia’o Mamaky Teny Naho Mampianatse

• Ty fomba hampaherezagne ndra hagnampeagne ze miarake amantikagne naho fa manompo

• Ty fampiasagne ze andinin-teny mifandrambe amy i fanompoagney ndra fitantaragne raha niseho mampahery amy i faritaney ey