Hasoao Ty Fanompo’o: Ampiasao soa ty JW.ORG

NAGNINO ZAY RO TENA ILAEGNE? Sambe mandrisike o ndatio hizilike amy jw.org ao o Fitaovagne Fampianaragne ampiasaentikagneo. Ty hahavy o ndatio hizilike amy jw.org ao ka ty anto’e namoahagne ty karatse jw naho ty taratasy milimpy tihoe Aia ty Ahatreavagne ty Vale ze Fagnonteneagne Mampivali-doha? Azo’o atao ka ty mangalake fitaovagne ao, le alefaso e-mail ndra alefa amy ty tohy hafa mba hitoriagne amy ty ndaty mampiasa firehake hafa. Fagnampe izay ka misy fagnonteneagne, amy jw.org ao avao ty ahatreavagne ty vale’e. Tena hahatrea vokatse amy ty fanompoagne tikagne naho mahay mampiasa soa o tragnom-porarotse iohoe.

AKORE TY FANOAGNE AZE:

• 

  Miziliha amy tihoe “FAMPIANARAN’NY BAIBOLY.” Eretsereto tie mitory amy ty rae aman-drene te hahazo fagnazavagne miomba ty fitezagne anake rehe. Miziliha amy tihoe FAMPIANARAN’NY BAIBOLY > TOKANTRANO & FITAIZANA.

• Miziliha amy tihoe “ZE RAHA MISY.” Eretsereto tie te hitory amy ty mpiara-mianatse ama’o an-dakilasy agne rehe, le te hametrake ty bokekele tihoe: Fagnonteneagne 10 Mahaliagne ty Tanora. Miziliha amy tihoe ZE RAHA MISY > BOKE & BOKEKELE.

• Miziliha amy tihoe “MOMBA ANAY.” Eretsereto tie te hitory amy ty mpiara-miasa ama’o te hahafantatse miomba ty raha inoantikagne rehe. Miziliha amy tihoe MOMBA ANAY > FANONTANIANA FAMETRAKY NY OLONA.

HENTEO TY VIDEO TIHOE AMPIASAO SOA TY JW.ORG, LE FANTARO TIE AIA AMY I TRAGNOMPARARONTIKAGNE AO REHE RO HAHATREA FAGNAZAVAGNE, NAHO TE HAGNAMPE...

• ty ndaty tsy mino an’Andrianagnahare

• ty ndaty mijale noho ty loza

• ty rahalahy naho ty rahavave fa tsy mitory sasa

• ty fitilihagne raike te hahafantatse tie boake aia ty vola ampiasaentikagne

• ty ndaty boake amy ty firenena hafa faie te hagnatreke fivoriagne naho fa amy ty tane’e agne