Ampiasao ty Peje Fizilihagne amy JW.ORG ao Naho fa Manompo Rehe

Misy lahatsoratse naho video maro natao mba hagnampeagne ze ndaty soa fo ty amy tragnom-porarontikagney ao. (As 13:48) Mateteke ty ao mirehake ze foto-kevetse rehafegne amo o vaovaò ndra ze raha rehafe o ndatio.

Akore ty azo’o ampiasaegne i peje fizilihagney naho fa manompo?

• Henteo mateteke i tragnom-porarontikagney. Henteo ze lahatsoratse niboake fara’e ao, le dineho ty fomba azo’o ampiasaegne aze amy i fanompoagney ey mba hagnampeagne o ndatio. (Naho te hahatrea ze lahatsoratse niboake fara’e ao rehe, le gineho tihoe “Hagnente ty Tohi’e.”) Naho maharake ze vaovao fara’e ao rehe, le hahatrea hevetse soa horehafegne amy i fanompoagney ey.

• Ampiasao ty lahatsoratse naho ty video amy peje fizilihagney ao. Magnampe antikagne hahafantatse i raha rey tie ino ty raha mahaliagne o ndatio.

• Atorò o ndatio i pejey. Mirehafa foto-kevetse raike ao sady atoro i ndatỳ ty fomba fampiasaegne aze.

• Mandefasa tohy. Ty ndaty ila’e tsy te hifampirehake amantikagne, faie tea iareo ty militse amy jw.org ao. Ko misalasala mandefa tohy amy ze ndaty liagne areke ndra tohy misy lahatsoratse ndra video raike.