Ampiasao ty Boke Ankamamio Nainai’e o Fiaignagneo! mba Hagnampeagne o Ndatio Hanam-pinoagne

Mila managne finoagne matanjake o mpianatse Baibolio mba hampifaleagne i Jehovah. (He 11:6) Azontika ampiasaegne mba hanohinagne ty fo iareo ty boke Ankamamio Nainai’e o Fiaignagneo! Ahatreavagne andinin-teny fototse, fagnazavagne tsotra, fagnonteneagne, video, vaho sare fanjaka o boke iohoe. Tena soa o fitaovagne iohoe mba hagnampeagne i mpianatsey hanagne toetse soa naho hifandrambe maifitse amy i Jehovah.​—1Ko 3:12-15.

Misy ndaty ila’e mieretseretse tie tsy afake ho ragnen’Agnahare iareo satria reke tsy trea maso. Mila ampeantikagne iareo mba tena hino fa bey hatea ty Jehovah sady managne toetse soa maro.

ALEFASO TY VIDEO TIHOE AMPIASAO TY BOKE “ANKAMAMIO NAINAI’E O FIAIGNAGNEO!” MBA HAGNAMPEAGNE O NDATIO HINO I JEHOVAH, LE VALEO RETOA:

• Akore ty amantaragne fa nagnomagne soa i fianaragney i rahavavey?

• Akore ty nampiasà’e fagnonteneagne fagnampe’e mba hirehafa i mpianatsey ty raha tsapa’e naho fa nivakiegne ty Isaia 41:10, 13?

• Ino ty voka i videoy naho i andinin-teny rey tamy i mpianatsey?

Maro ty ndaty tsy mahafantatse ty dika i solovoigney, ndra tsy mihevetse tie natao ho aze o fagnomezagne boake aman’Andrianagnahare iohoe. (Ga 2:20) Tsy maintsy ampeantikagne iareo mba tena hino i sorogne natao i Jesosỳ.

ALEFASO TY VIDEO TIHOE AMPIASAO TY BOKE “ANKAMAMIO NAINAI’E O FIAIGNAGNEO!” MBA HAGNAMPEAGNE O NDATIO HINO I JESOSY, LE VALEO RETOA:

• Akore ty amantaragne fa nagnomagne soa i fianaragney i rahalahỳ?

• Akore ty nagnazavà i rahalahỳ i “Fagnazavagne Fagnampe’ey” mba hagnampeagne i mpianatsey?

• Nagnino ro ilaegne ty mivavake hoahy i mpianatsey?