Akore ty Fampiasagne i Video Fampianaragne Baiboly Rey

Managne video efatse fampianaragne Baiboly tika, sady natao hampiasaegne amy i fanompoagney ey iareo. Faie ino ty tanjo iareo tsikiraidraike?

• 

  Inogne ty Anto’e Ianaragne Baiboly?​—Video Feno: Natao io mba hagnampeagne o ndatio ho liagne amy ty Baiboly ndra inogn’ino ty raha inoa’e. Mandrisike aze mba hipay agnate Baiboly ao ty vale ty fagnonteneagne mampivali-doha amy ty fiaignagne io sady mba hahatrea ty vale’e tsotra. Hazava’e ao ka tie akore ty atao naho te hangatake hianatse Baiboly.

• 

  Inogne ty Anto’e Ianaragne Baiboly? (video tapatapa’e): Mitovy amy i raike fenoy avao io faie fohefohe. Mete soa amy ze ndaty tsy afake mirehake lava amy i faritaney ey io.

• 

  Akore ty Atao Naho fa Mianatse Baiboly?: Mandrisike o ndatio ho liagne amy ty fampianaragne Baiboly maimaim-poagne ataontika io. Mamale ty fagnontenea o ndatio miomba izay ka io, agnisa izay tihoe akore ty atao naho te hangatake hianatse Baiboly.

• 

  Tolisoa amy ty Fianara’o Baiboly: Natao io mba hatoro ty mpianatse Baiboly. Ndra tie amy ty peje faha-2 amy ty boke Ankamamio Nainai’e o Fiaignagneo! aza ty misy o video iohoe, le azo’o atoro aze avao ka io naho fa mampiasa i bokekele Ankamamio Nainai’e o Fiaignagneo! igne rehe. Hazava’e ao ty raha agnate i bokey ao naho ty raha hisy naho fa mandeha i fiharoagne midinekey.

Ndra tie sambe managne ty raha kendre’e manokagne aza o video reo, le afake alefa ndra atoro o ndatio reo naho fa mete ty hanoagne izay. Risihegne ty mpitory tsikiraidraike mba ho zatse soa o video reo naho hampiasa aze soa amy i fanompoagney ey.