Fintigno ze Hevetse Lahibey

Sarotse ama’o vao ty mitadidy ty raha nianara’o? Va’e fa nitra izay iaby aloha tikagne. Ino ty azo atao? Fintigno ze hevetse lahibey.

Mitofà kede heike naho fa mianatse, le saintsaigno ty hevetse lahibey nianara’o. Izao ty natao i apostoly Paoly mba hagnampeagne o rahalahy naho o rahavave’eo naho fa mianatse i taratasy nisorate’ey iareo. Hoe reke: “Izao ty hevetse lahibey.” (Heb. 8:1) Nampiasa o rehake rehoe reke mba hagnampeagne iareo hahazo ty raha tea’e horehafegne naho ty ifandrambesa ty hevetse tsikiraidraike amy i foto-kevetse rehafe’ey.

Va’e hanokagne fotoagne 10 minitra ohatse rehe amy ty fara i fianara’oy mba hisaintsaigna’o ty hevetse lahibey amy i raha nianara’oy. Naho tsy tadidi’o soa i hevetsey, le iheregno henteagne indraike i lohan-drehake kedekede rey ndra vakio ty fehezanteny voaloha’e isake fehentsoratse. Naho mianatse raha vaovao rehe, le kezaho hazavaegne amy ty fomba fireha’o zay. Naho mamintigne ty raha nianara’o rehe, le tsy tihoe hahatadidy izay avao fa ho mora ama’o ka ty hahatrea ty fomba hampihara’o aze amy ty fiaigna’o.