Mandrambesa Soa Boake amy Fanondroagne Andine’e Hafa amy Baiboly ao Rey

Ty fanondroagne andine’e hafa amy i Fandikan-drehake Tontolo Vaovaoy ao, le mampiseho tie mifagnarake soa ty andinin-teny amy Baiboly ao. Ty andine’e trea amy i listay eo, le afake magnampe azo hahatrea fagnazavagne maro miomba i andinin-teny vakie’oy. Mba hahatreavagne i fanondroagne andine’ey, le henteo ty abodỳ kede agnila i soratsey eo. Amy Baiboly vita pirintỳ, le henteo ty ampagnivoa’e eo naho te hahatrea fanondroagne andine’e hafa rehe. Naho amy jw.org ndra amy JW Library® ao, le gineho i abodỳ kedekedey mba hahatreava’o i fanondroagne andine’ey.

I fanondroagne andine’e hafay, le va’e hagnampe azo hahatrea ty raike amy ty raha retoa ndra ie iaby:

Raha niseho mitovy: I fanondroagne andine’ey, le magnampe azo hahatrea ty isehoa ty tantara raike amy ty andine’e hafa. Henteo ohatse ty 2 Samoela 24:1 naho ty 1 Tantara 21:1.

Rehake nalaegne: I fanondroagne andine’ey, le manoro tie boake aia ty nangalagne ty fehezan-teny ndra ty rehake raike. Henteo ohatse ty Matio 4:4 naho ty Deoteronomia 8:3.

Ty nahatanteraha ty faminaniagne raike: I fanondroagne andine’ey, le manoro ty fahatanteraha ty faminaniagne raike. Henteo ohatse ty Matio 21:5 naho ty Zakaria 9:9.