Oriho Soa i Fandaharagne Famakia’o Baiboly Isan’androy

Sarotse ama’o vao ty magnorike i fandaharagne famakia’o ty Saontsin’Agnahare isan’androy, noho ty hamaro ty raha atao’o? (Jos. 1:8) Naho izay, le oharo ty raike amy ty soso-kevetse retoa:

• Manoa faniahiagne. Asio faniahiagne i telefoni’oy tie mila mamaky Baiboly rehe.

• Apetraho amy ty toeragne mora trea i Baiboli’oy. Naho mamaky amy i Baiboly vita pirintỳ rehe, le anò amy ty toeragne mora trea’o isan’andro zay.​—Deot. 11:18.

• Mitsanogna Baiboly nalaem-peo. Mitsanogna amy irey naho fa irehe manao ty asa’o isan’andro. Miasa halegne ty mpisava lalagne raike atao tihoe Tara naho ty rene raike. Nirehake iareo tie: “Ty fitsanognako i Baiboly nalaem-peoỳ naho fa iraho miasa, le mahavy ty famakiako Baiboly tsy ho tapatapake.”

• Ko kivy. Naho fa misy raha tsy ampoizegne manapake i fandaharam-potoa’oy, le mamakia andine’e kedekede aloha ty hiroroa’o. Ndra tie kedekede avao aza ty vakie’o isan’andro, le mbe handrambe soa avao rehe.​—1 Pet. 2:2.