Tena Mampiharo Saigne o Ndatio vao i Mondialỳ?: Ino ty Raha Rehafe ty Baiboly?

Ndaty dime arivo tapetrisa eo ho eo ro eretseretegne hagnente i Mondialy alamy FIFA-y, manomboke amy 20 Novambra hatrake 18 Desambra 2022. Mieretseretse ty ankamaroa o ndatio tie afake magnasoa raha maro ty fisia ty fihisagne hoe io fa tsy tihoe mampiharo ze magnente aze avao.

• “Mahavita magnova ty tontolo toy iaby o fihisagneo. Mandrisike azo hanao raha io. Mahavy o ndatio hiharo saigne amy ty fomba miambake.”​—Nelson Mandela, prezidà i Afrika Atimo taloha.

• “Mampiharo o ndatio o labolio satria mahavy iareo hanan-draha tamaegne, falefale, hanagne fitretrézagne, ho tea ty hafa, sady mahavy iareo hahatsapa tie misy raha iharoagne.”​—Gianni Infantino, prezidà i FIFA.a

Tena hahavy o ndatio hiharo saigne vata’e vao o Mondialio ndra ty fifaninanagne hafa hoe io? Azo tamaegne vao tihoe hiadagne naho hiharo saigne o ndatio indraike andro agne?

Mahavy o ndatio hiharo saigne vata’e vao o Mondialio?

Tsy fagnenteagne laboly avao ty raha avy an-tsay o ndatio ao amy i Mondialy amy ty taogne toỳ. Nampisy aly hevetse mifandrambe amy ty fiaraha-monegne naho o politikeo o fihisagne iohoe. Agnisa izay ty miomba ty zo o ndatio, o fagnavakavahagneo naho o tsy fitoviagne ara-toe-karenao.

Ndra tie eo zay, le maro ty mahatsapa fa raha ifalefaleagne avao ty fihisagne atao magneran-tane manahake o Mondialio. Ndra tie maro aza ty ndaty magniry ty hisia ze o firaisan-tsaigne zao, le tsy hampiharo saigne maharetse ty fihisagne hoe irey. Naho ty maregne aza, le managne i toe-tsaigne sady manao ty raha atao o ndaty mampiambake i vanim-potoagne atao tihoe “andro fara’ey” o ndatio amy i fotoagne rey.​—2 Timoty 3:1-5.

Ty raha tena hampiharo saigne ty ndaty magneran-tane

Misy fanantenagne hahavy o ndaty magneran-taneo hiharo saigne ty amy Baiboly ao. Trea ao fa hiharo saigne iaby ty ndaty magneran-tane ambane ty fitondra i fanjakagne an-dagnitse agney. Atao tihoe tie “Fanjakàn’Andrianagnahare o fitondragne an-dagnitse agne iohoe.”​—Lioka 4:43; Matio 6:10.

Hatao i Jesosy Kristy, i Mpanjaka o Fanjakagne iohoe azo antoke fa hiadagne ty ndaty magneran-tane. Hoe ty Baiboly:

• “Ho maro ty ndaty maregne, sady tena hiadagne.”​—Salamo 72:7.

• “Horombahe’e o mahantra mitoka vonjeo ... Hagnafake iareo amy ty fampijaleagne naho ty hampiarotegne reke.”​—Salamo 72:12, 14.

Amy izao, le fa mampiharo saigne ty ndaty amy ty tane 239 ty fampianara i Jesosy. Nianara iareo fa tsy toko’e halaigne ndaty iareo. Naho mipay fagnazavagne fagnampe’e rehe, le vakio i lahatsoratse mifanohy minday ty lohan-drehake manao tihoey tie “Inona no Hanampy ny Olona Tsy Hifankahala Intsony?”