Simba o Tontolo Iaignagneo: Ino ty Hatao i Fanjakàn’Andrianagnaharey?

“Misy voka’e lahibey amo o ndatio naho amo o tanàgneo vaho amy ze raha miaigne o toets’andro mivalibalikeo. Noho ty fiovaovà o toets’andrò zao, le vao maike mihamafe o tsikolonio sady manimba tragno maro naho manimba ty fiveloma ty ndaty magneran-tane. Ndra ty agnate riake agne aza manjare mafana iaby.”​—Inger Andersen, sekretera jeneraly ty Firenena Mikambagne naho ty mpitantagne ty Fandaharan’asa i ONU Miomba ty Tontolo Iaignagne, tamy 25 Jolay 2023.

Ho vita o fitondram-panjakagneo vao ty hiara-hiasa mba hamahagne o olagne misy magneran-tane reohoeke? Hahatrea vahaolagne maharetse vao iareo?

Rehafe ty Baiboly fa misy fitondram-panjakagne raike afake mamaha ze olagne miomba o tontolo iaignagneo sady tena hanao izay. Rehafe’e ao tie ‘hagnoregne fanjakagne i Andrianagnahare i lagnitseỳ.’ Hinday naho hamaha ze olagne misy magneran-tane o fanjakagne iohoe. (Daniela 2:44) “Tsy handratse ndra ia ndra ia” “sady tsy hanimba ndra ino ndra ino” o ndatio naho fa i fitondran’Andrianagnaharey ty hitondra.​—Isaia 11:9.