Ia ty Azo’o Atokisagne? Ino ty Rehafe ty Baiboly?

Diso tamà o ndatio naho fa mahatrea tie kay tsy tena azo atokisagne ty ndaty raike mba natokisa’e. Maro zao ohatse ty ndaty manjare tsy matoky o ...

• mpitondra fanjakagne tea tegna fa tsy mipay ze hahasoa o vahoakeò.

• mpanao gazete mirehake vaovao tsy maregne ndra tsy amy ty toko’e ho ieo.

• manam-pahaiagne tsy manao raha mba tena hahasoa o ndatiò.

• mpitarike fivavahagne manao politike fa tsy manohagne an’Andrianagnahareo.

Rare’e ty ahy o ndatio naho mifily soa ty ndaty hatokisa’e. Mampitao antika hoe izao ty Baiboly:

• “Ko matoky o ndaty amboneo, ndra o ndaty tsy mahavonjeo.”​—Salamo 146:3.

Misy ndaty raike azo’o atokisagne

 Mirehake ndaty raike azo’o atokisagne ty Baiboly. Tsy ia zay fa i Jesosy. Tsy tihoe ndaty soa avao reke fa ie ka ty tinendren’Agnahare “ho Mpanjaka ... sady tsy hisy fara’e ty Fanjakà’e.” (Lioka 1:32, 33) I Jesosy ty Mpanjaka i Fanjakàn’Andrianagnaharey. Fa minday an-dagnitse agne o fanjakagne iohoe tie amy izao.​—Matio 6:10.

• Mba hahafantara’o tie nagnino rehe ro afake matoky i Jesosy, le vakio ty lahatsoratse tihoe “Iza no Mpanjakan’ny Fanjakan’Andriamanitra?” naho tihoe “Inona no Hataon’ny Fanjakan’Andriamanitra?”