Tsy Matoky o Mpanao Politikeo Sasa o Ndatio: Ino ty Rehafe ty Baiboly?

Ty taogne 2024 toy ro taogne tena ho maro fifilianagne naho ampitahaegne amy ty taloha. Faie ndra tie eo zay, le fa tsy matoky o mpanao politikeo sasa o ndatio.

• Naho fa nagnonteneagne ty ankamaroa o Amerikanao, le nirehake fa “ze hahasoa ty tegna o mpanao politikeo avao ty ifantoha’e” fa tsy ze hahasoa o vahoakeo.a​—Pew Research Center, tamy 19 Septambra 2023.

Tsy matoky o mpanao politikeo ka ty ankamaroa o tanorao.

• “Tsy mahatrea vahaolagne mete soa miomba ty olagne atrehe o tanorao o mpanao politikeo.”​—The New York Times, tamy 29 Janvie 2024.

• “Ndraleo o tanorao matoky o mpagnomey torohevetse trea amo o tragnom-porarotseo aò ta tie hatoky o mpanao politikeo.”​—The Korea Times, tamy 22 Janvie 2024.

Atokisantika hahavita hagnasoa ty hoavy vao o mpanao politikeo? Ia ty toko’e hatokisantika?

Filio soa ty ndaty atokisa’o

Ara-dalàna naho mifily soa ze ndaty hatokisa’e o ndatio. Rehafe ty Baiboly fa “mino ze rehake rei’e ze mbe tsy nandia fiaignagne, faie mandineke ty lia’e ty mahimbagne.”​—Ohabolana 14:15.

• Ino ty magnampe antika hahay hifily soa ty fagnazavagne azontika? Vakio ty lahatsoratse tihoe “Mitaoa amo o Vaovao Tsy Maregneo.”

Ndra ty mpanao politike manao ty maregne sady magniry hanao raha soa aza le mbe voafetra avao ty raha azo’e atao. Izay ty mahavy ty Baiboly mampitao tie:

• “Ko matoky o ndaty amboneo, ndra o ana o ndaty tsy mahavonjeo.”​—Salamo 146:3, Dikan-drehake Tontolo Vaovao.

I mpitarike azo atokisagney

Hazavae ty Baiboly fa nanendre mpitarike azo atokisagne sady tena hahavita ze kila raha ty Andrianagnahare. Tsy ia zay fa i Jesosy Kristy. (Lioka 1:32, 33) Ireke ty Mpanjaka i Fanjakàn’Andrianagnaharey, le an-dagnitse agne ty misy o Fanjakagne iohoe.​—Matio 6:10.

• Naho tea’o ty hahafantatse tie nagnino rehe ro afake matoky i Jesosy sady ino ty raha hatao’e mba hamahagne ty olagne atrehentika, le vakio ty lahatsoratse tihoe “Iza no Mpanjakan’ny Fanjakan’Andriamanitra?” naho tihoe “Inona no Hataon’ny Fanjakan’Andriamanitra?”