Ino ty Toko’e Hataoko Naho te Hanjare Vavolombelo i Jehovah Raho?

Nirehafe i Jesosy amy Matio 28:19, 20 ao ty dingagne toko’e hatao ze te hanjare Vavolombelo i Jehovah. Hazavaegne ao tie ino ty toko’e hatao ty ndaty raike te hanjare mpiana i Kristy. Takégne ama’e ohatse, tihoe mirehake ndra mitory ty miomba i Jehovah.

Dingagne 1: Mianatse Baiboly. Nandily ze mpanonjohy ty lia’e ty Jesosy mba ‘hanao mpianatse’ ndra ‘hampianatse.’ (Matio 28:19, 20) Hagnampe azo hanagne fiaignagne sambatse naho mahafa-po ty fagnazavagne amy Baiboly ao, lohotsie fa ty fampianara i Jesosy Kristy. (2 Timoty 3:16, 17) Fale zahay hagnampe azo hianatse Baiboly maimaim-poagne.​—Matio 10:7, 8; 1 Tesalonianina 2:13.

Dingagne 2: Mampihatse ze ianaragne. Nirehake ty Jesosy fa tsy maintsy ‘miambegne ze raha nandilia’e’ ze mpiana’e. (Matio 28:20) Tsy vita tihoe mianatse raha vaovao rehe naho fa mianatse Baiboly, fa va’e mila magnova ty fomba fisaigna’o naho ty findesam-bata’o ka. (Asan’ny Apostoly 10:42; Efesianina 4:22-29; Hebreo 10:24, 25) Manapa-kevetse hanonjohy ty lia i Jesosy ze magnorike ty lili’e, le manokagne ty fiaigna’e hanompo i Jehovah Andrianagnahare.​—Matio 16:24.

Dingagne 3: Atao badisa. (Matio 28:19) Ohare ty Baiboly amy ty fandevegnagne ty badisa. (Ampitahao amy Romanina 6:2-4) Naho fa atao badisa ty ndaty raike, le sahala hoe mate reke ndra tapetse eo ty fomba fiaigna’e taloha, sady manomboke fiaignagne vaovao amy izay reke. Mampiseho amy ty ndaty maro areke rehe fa nahavita o dingagne roe nirehafe i Jesosy taloha teo reo, naho fa atao badisa. Mangatake aman’Andrianagnahare ka rehe mba hanagne feo ty fieretseretagne malio.​—Hebreo 9:14; 1 Petera 3:21.

Akore ty hahafantarako tie azo atao badisa raho?

Mirehafa amo o androanavi-pagnahy amo o fiangonagneo eò. Hiarake midineke ama’o iareo mba hahatreava’e naho tena azo’o soa ze raha ampianare ty Baiboly. Hohentea’e ka tie mampihatse ze raha ianara’o vao rehe sady fa nanokan-tegna an-tsitrapo ho an’Andrianagnahare.​—Asan’ny Apostoly 20:28; 1 Petera 5:1-3.

Toko’e hanao o dingagne reo ka vao ty ana o Vavolombelogneo?

Eka. Mikezake miteza ty ana’ay “arake ty fagnanaragne naho ty fomba fisaigna i Jehovah” zahay, satria mandily anay hanao izay ty Baiboly. (Efesianina 6:4) Faie iareo avao ro manapa-kevetse tie hianatse naho hagneke sady hampihatse ze raha ampianare ty Baiboly naho fa mihabey. Afara izay iareo vaho mahafeno fepetse hatao badisa. (Romanina 12:2) Ty tsikiraidraike ro toko’e hifily ze fivavahagne tea’e horihegne.​—Romanina 14:12; Galatianina 6:5.