Inogne ty Ampianare ty Baiboly Antikagne?: Akore ty Fampiasagne Aze

Mitovitovy avao ty boke Ampianare ty Baiboly naho ty boke Ampianare ty Baiboly Antikagne. Mitovy ty hevetse rehafe’e naho ty filahara ty toko agnate ao. Faie tsotra ty rehake naho ty fagnazavagne amy ty boke Ampianare ty Baiboly antikagne ao. Nanoegne hoahy ze ndaty tsy mahazo soa ty boke Ampianare ty Baiboly o boke iohoe. Sinolo tihoe fagnazavagne tihoe fagnazavagne fagnampe’e amy i boke Ampianare ty Baiboly Antikagney ao faie mbe mifanandrife amy ty hevetse lahibey amy i fehentsoratsey ao avao. Tsy misy fagnonteneagne ty am-boaloha’e amy ty toko tsikiraidraike. Tsy misy famintignagne ka ty afara i tokoy fa fameregnagne ty hevetse tamy i tokoy ao. Azo atao ty manolotse o boke iohoe isan’andro manahake i boke Ampianaregney avao ndra tie tsy io ty boke toko’e hatolotse amy i volagney. Akore are ty azontikagne ampiasagne ty raha mampiambake ty boke ampianare ty Baiboly antikagne naho fa mitarike fampianaragne baiboly tikagne?

FAMEREGNAGNE: Fa mahazatse ty ankamaroantikagne ty mamaky fehentsoratse naho mametrake fagnonteneagne naho fa mampianatse. Faie akore ohatse naho tsy mazava amy i ndaty ampianare’oy ty rehake ampiasaegne ao ndra tsy hai’e soa ty mamaky aze? Azo’o atao amy izay ty mampiasa i fameregnagney mba ho fototse amy i fianaragney sady risiho reke mba hazoto hamaky i fehentsoratsey am-bata’e. Mateteke ro azo ampianaregne agnate ty 15 minitra ty hamarenagne ara-baiboly tsikiraike. Toko’e hagnomagne soa naho hieretseretse ty raha paliae i mpianatsey i mpagnanatsey satria fa tsy voarehake amy i fameregnagney ao ty pitsopitson-draha trea amy i fehentsoratsey ao. Naho manomboke amy i tokoy agne ty hanombohagne i fianaragney, le azo dinehegne fara’e i fameregnagney.

FAGNAZAVAGNE: Milahatse mifanandrife amy i fehentsoratsey ao ty filahara ty hevetse trea amo o fagnazavagne iohoe ao. Manahake ty atao amy i boke Ampianare ty Baiboly avao, le i mpagnanatsey ty mifily tie hodinehegne amy fianaragney vao o fagnazavagne io sa tsy hodinehegne.