LESOGNE 18

Mirehafa Raha Mahaliagne Sady Mahasoa i Ndatỳ

1 Korintianina 9:19-23

TY DIKA IZAY: Mirehafa hevetse mahaliagne i ndatỳ, amy izay reke hagneke fa tena fanjaka sady nahasoa aze ty raha nirehafe’o.

Dineho ty raha fa fanta’e. Naho loha hevetse fa hai’e ty horehafe’o ama’e, le ko aheregne i fa hai’ey fa mirehafa raha vaovao miomba i fagnazavagney.

Azo’o rehafegne avao i raha fa hai’ey faie ko andaniagne lera. Ze hevetse mbe tsy hai’e ro tena rehafo.
Manoa fikarohagne sady misaintsaigna. Naho mete, le vaovao tsy firey o ndaty, ndra raha niseho vaho tsiela ty rehafo mba hagnazavagne hevetse lahibey. Faie dineho soa hey i raha hohazavae’oy, kera tsy mifandrambe amy i hevetse horehafe’oy avao.

Eretsereto ohatse tie: ‘Nagnino toy ro ilaegne? Akore ty hagnazavako aze? Taia ty raha toy ro niseho? Ndra mametraha fagnonteneagne hafa.’ Hagnampe azo handineke soa ty fanoagne ireo. Azo’o apetrake indraike o fagnonteneagne reo naho fa manao lahajaka rehe, mba hahavy i lahajakay ho velombelogne soa.
Porofò fa tena mahasoa i hevetse rehafe’oy. Rehafo ohatse ty raha iaigna o ndatio, ndra ty fahazaragne anagna’e, ndra ty toe-tsai’e, le hazavao fa misy torohevetse tena soa miomba izay ty agnate Baiboly ao.