LESOGNE 04

Ia o Andrianagnahare Zao?

Raha Vita Pirinty azo Sintonegne

Maro ty andrianagnahare nitompoe o ndatio amparake izay. Faie rehafe ty Baiboly fa misy Andrianagnahare raike “ambone o andrianagnahare iaby io.” (2 Tantara 2:5) Ia o Andrianagnahare iohoe? Nagnino reke ro ambone o andrianagnahareo iaby? Hianarantikagne amy ty lesogne toy fa tea’e ho fanta’o ty miomba aze.

1. Ia ty tahinan’Andrianagnahare? Ino ty mampiseho fa tea’e ho fantantikagne i tahina’ey?

Ampahafantaren’Andrianagnahare antikagne amy Baiboly ao ty miomba aze. Hoe reke: “Izaho o Jehovah-o. Izay ty agnarako.” (Vakio ty Isaia 42:5, 8.) Maro ty manam-pahaiagne mirehake fa “Manao ze Hahatò” ty dika ty rehake Hebreo tihoe “Jehovah.” Tea i Jehovah ho fantantikagne ty agnara’e. (Eksodosy 3:15) Ty anto’e, naherenkere’e im-7000 maherya amy Baiboly ao i tahina’ey. I Jehovah ty tahina i ‘tena Andrianagnahare amy i lagnitsey eỳ naho i an-tane etoỳ.’—Deoteronomia 4:39.

2. Andrianagnahare manao akore ty Jehovah?

Rehafe ty Baiboly fa i Jehovah avao ro Andrianagnahare maregne amo o andrianagnahare maro tompoe o ndatiò. Ino ty anto’e? Satria i Jehovah ro managne fahefagne fara’e ambone sady i reke raike avao “ro Ambone Bey ambone tane etoy.” (Vakio ty Salamo 83:18.) “Fara’e Mahery” reke satria managne hery hanoa’e ze raha tea’e hatao. I reke ka ty namorogne “ze kila raha” an-dagnitse agne naho an-tane etoy. (Apokalypsy 4:8, 11) Tsy mitovy amo o ndatio reke satria tsisy namorogne sady tsy hisy fifaragna’e ka.—Salamo 90:2.

ANDAO HANDINEKE TY PITSOPITSO’E

Hodinehentikagne ato ty tsy mampitovy i agnaram-boninahin’Andrianagnahare rey naho i tahina’ey. Ho treantikagne ka ty fomba nampahafantara’e ty miomba aze naho ty anto izay.

Lahilahy raike magnente i lagnitsey amy ty andro hariva. Ty tahina i Jehovah amy i sarey ey.

3. Managne agnaram-boninahitse maro ty Andrianagnahare faie raike avao ty tena tahina’e

Tsy mitovy ty agnaram-boninahitse itokavagne ty ndaty raike naho ty tena agnara’e. Alefaso i VIDEO oy, sady iharò midineke ty fagnonteneagne toy.

VIDEO: Managne Agnaram-boninahitse Maro ty Andrianagnahare Faie Raike Avao ty Tahina’e (0:41)

Ino ty tsy mampitovy ty agnaram-boninahitse, ohatse “Tompo” naho ty tena agnaragne?

Rehafe ty Baiboly fa maro ty andrianagnahare naho ty tompo ivavaha o ndatio. Vakio ty Salamo 136:1-3, sady iharò midineke ty fagnonteneagne toy:

Ia o “Andrianagnahare ty andrianagnahareo” naho o “Tompo ty tompò”?

4. Tea i Jehovah ho fanta’o sady hampiasae’o i tahina’ey

Ino ty mampiseho fa tea i Jehovah ho fanta’o i tahina’ey? Alefaso i VIDEO oy, sady iharò midineke ty fagnonteneagne toy.

VIDEO: Managne Agnaragne vao ty Andrianagnahare?—Tapatapa’e (3:11)

Sare boake amy ty video tihoe ‘Managne Agnaragne vao ty Andrianagnahare?—Tapatapa’e.’ Lahilahy raike mandineke ty tahinan’Andrianagnahare tihoe Jehovah, amy Salamo 83:18 ao amy ty ‘Dikan-dreha i Mpanjaka Jacques’ tamy ty taogne 1611.

Naho ty heve’o, nagnino ro tea i Jehovah ho fantatse i tahina’ey?

Tea i Jehovah hampiasae o ndatio i tahina’ey. Vakio ty Romanina 10:13, sady iharò midineke ty fagnonteneagne retoa:

Nagnino ro tena ilaegne ty mampiasa ty tahinagne tihoe Jehovah?
Ino ty tsapa’o naho tsiaro o ndatio ty agnara’o sady tokave’e amy i agnara’oy rehe?
Ino ka ty ho tsapa i Jehovah naho tsiarontikagne i tahina’ey sady igne ty itokavantikagne aze?

5. Tea i Jehovah ho nama’e rehe

Nirehake ty Soten, ampela boake a Kambôdza agne fa “tena tsy nisy hoe’e ty nihafalea’e” tamy reke nahafantatse ty tahinan’Andrianagnahare. Alefaso i VIDEO oy, sady iharò midineke ty fagnonteneagne toy.

VIDEO: Nipay i Andrianagnahare Maregney Raho (8:18)

Sare: Sare boake amy ty video tihoe ‘Nipay i Andrianagnahare Maregney Raho.’ 1. I Soten mitoboke ambane hatae eo, miandrandra i lagnitsey, sady mivavake amy i tena Andrianagnaharey. 2. I Herold magnambara amy i Soten tie i Jehovah ty tahinan’Andrianagnahare.

Arake i videoy, ino ty voka’e tamy i Soten naho fa nahafantatse ty tahinan’Andrianagnahare reke?

Toko’e hahafantatse sady hampiasa ty agnara ty ndaty raike heike rehe vaho izay hanjare ho nama’e. Vakio ty Jakoba 4:8a, sady iharò midineke ty fagnonteneagne retoa:

Ino ty ampanoe i Jehovah azo eo?
Nagnino ro magnampe azo hifandrambe marine aman’Andrianagnahare ty fahafantara’o naho ty fampiasa’o i tahina’ey?

MISY TY MIREHAKE FA: “Raike avao ty Andrianagnahare, le mete iaby ze itokavagne aze.”

Rese lahatse vao rehe fa i Jehovah ty tahinan’Andrianagnahare?
Akore ty hagnazava’o amy ty hafa fa tean’Andrianagnahare hampiasa i tahina’ey tikagne?

FAMINTIGNAGNE

I Jehovah ty tahina i Andrianagnahare maregney. Tea’e hahafantatse naho hampiasa o tahina’e iohoe tikagne, amy izay hanjare ho nama’e.

Fameregnagne

Ino ty tsy mampitovy i Jehovah naho o andrianagnahare maro ivavaha o ndatiò?
Nagnino tika ro toko’e hampiasa ty tahinan’Andrianagnahare?
Ino ty mampiseho fa tea i Jehovah ho nama’e rehe?

Date ahavitagne ty lesogne toy:

Anò toy

Ampiasao tihoe Jehovah naho fa mirehake ty miomba an’Andrianagnahare rehe.

Anò ka retoa:

Anò ka retoa

FAGNAZAVAGNE FAGNAMPE’E

Ho trea’o ato ty raha dime magnaporofo fa tena misy ty Andrianagnahare.

“Tena Misy vao ty Andrianagnahare?” (Lahatsoratse amy jw.org ao)

Ho trea’o ato fa tsy nisy namorogne ty Andrianagnahare.

“Ia ty Namboatse An’Andrianagnahare?” (Fitalakesan-davitse 1 Aogositra 2014)

Toko’e hampiasa i tahinan’Andrianagnaharey tika ndra tie tsy fantatse ty fomba nanognonagne aze tamy ty rehake hebreo.

“Ia o Jehovah Zao?” (Lahatsoratse amy jw.org ao)

Mete iaby vao ze itokavagne an’Andrianagnahare? Managne ty tahina’e manokagne reke.

“Fire ty Tahinan’Andrianagnahare?” (Lahatsoratse amy jw.org ao)

a Naho te hahafantatse ty dika i tahinan’Andrianagnaharey naho ty anto’e tsy ahatreavagne aze amy ty Baiboly ila’e rehe, le henteo ty bokekele Tari-dalagne Hoahy ze Mianatse ty Saontsin’Andrianagnahare.