Faminaniagne 4. Tsy Manan-katea

“Tsy ho tea ty saveregna’e.”​—2 TIMOTY 3:1-3.

● Miasa amy ty fikambanagne magnampe ty ndaty ihara ty hapiarotegne an-tragno ao, avara i Pays de Galles, ty Chris. Hoe reke: “Tsiaroko fa nisy ampela raike zay nimbama’ay mbeo. Tena tsy ho nifantako reke satria naratse iaby ty tarehe’e. Nisy ampela hafa ka tena kivy, le niondrekondreke avao.”

MAMPISEHO INO TY RAHA MISY? Nisy fagnadihadiagne natao tamy ty tane raike Afrika agne. Trea fa ampela raike agnate ty telo ro nisy namahotse tamy ty reke mbe nikede. Ampahatelo’e mahery amy ty lahilahy ka ro nihevetse fa ara-dalàna ty mijera valy. Faie tsy ampela avao ro ihara ty hapiarotegne an-tragno ao. Lahilahy eo amy ty telo agnate ty folo ohatse, ro mate vinono naho ampijalé i vali’e ty a Kanada agne.

INO TY HEVE O NDATIO? Fa nisy avao ty hapiarotegne an-tragno ao hatrake amy izay. Faie vao mainke mibaribary zay tie amy izao.

MAREGNE VAO ZAY? Maregne fa voamareke fa tena mitombo bey ty hapiarotegne an-tragno ao tato ho ato. Faie nampihegne ty isa ty hapiarotegne an-tragno ao vao ty fahafantaragne izay? Tsy izay fa vao mainke tsy managne hatea o ndatio.

AKORE TY HEVE’O? Tanterake vao ty 2 Timoty 3:1-3? Tsy tea ty keleia’e vata’e vao o ndatio, ie amy izao ze raha zay toko’e handeha ho aze?

Mahakasike o taneo ty faminaniagne fahadime fa tanterake. Dineho ty raha rehafe ty Baiboly miomba izay.

[Hevetse Lahibey]

“Ty hapiarotegne an-tragno ao ro agnisa ty aly tsy le rehafegne amy ty fiaraha-monegne. Fa jinera ty vali’e in-35 ty ampela raike mateteke vaho izay nitaraigne amo o polisio agne.”​—MPINDAY TY REHA O AZE MPAGNOMEY FAGNAMPEAGNE AN-TELEFONY IHARA TY HAMPIAROTEGNE AN-TRAGNO AO A PAYS DE GALLES AGNE.