Saa Alkitab Neʼe?

SAA MAK ALKITAB DALE

”Lia hotu-hotu iha Hakerek Moon, Naʼi Maromak duʼuk mak (foo) natuun baa Niakaan ema.”​—2 Timotius 3:16, Maromak Manfatin Hodi Lia Tetun.

DIʼAK BODIK ITA

Bele hetan lia mak loos bodik nalaʼok baa moris laran.​—2 Timotius 2:7.

Dalan mak bele ita fiar bodik nalaʼok baa itakaan moris loron-loron.​—Mateus 7:12.

Neon boot baa ikus mai.​—Roma 15:4.

BELE KA LALE ITA FIAR BAA ALKITAB LIAN?

Bele. Tan noo lia fuan tolu:

• Alkitab laran lia talik aan baa malu. Noo ema haat nulu mak nakerek Alkitab neʼe, baa oras loron tinan rihun ida atus nen. Hosi sia, waʼin mak la hatene malu. Mais, siakaan lia ne loos no malorek dale lia ida dei mak talik aan baa malu.

• Ema mak nakerek Alkitab neʼe loos. Ema-ema mak nakerek buku, dala waʼin taka siakaan sala. Mais, ema-ema mak nakerek Alkitab dale sai siakaan sala no sala nosi siakaan rai.​—2 Tawarikh 36:15, 16; Mazmur 51:1-4.

• Lia mak ita fiar. Baa oras tinan atus hitu mak liu tian, Alkitab foo natene naʼak Mesias atu moris iha Betlehem, rai kiʼik ida iha Yehuda. (Mika 5:2) Tebes ka Yesus moris iha rai neʼe? Tebes basuk!​—Mateus 2:1-6.

  Noo lia fuan waʼin nosi Alkitab mak terik sai dadi tebe-tebes, toʼo saa mak kiʼik. Neʼe natudu baa ita, Alkitab tebe-tebes lia nosi Maromak.​—2 Petrus 1:21.