Рӯзи махсус барои пешниҳод кардани омӯзиши Китоби Муқаддас
1 Аз моҳи январ сар карда, тамоми ҷамъомадҳо ҳар моҳ барои пешниҳод кардани омӯзиши Китоби Муқаддас, яке аз рӯзҳои истироҳатиро ҷудо хоҳанд кард. Шояд ҷамъомадҳо ҳафтаи аввали моҳро интихоб кунанд. Мувофиқи шароити маҳал он рӯзи шанбе ё якшанбе хоҳад гузашт. Агар соҳибхона омӯзиши Китоби Муқаддасро рад кунад, ба ҳар ҳол воиз метавонад китоби «Таълимот» ё маҷаллаҳои охиринро пешкаш намояд. Ҳамаи пирон ва ходимони ёвар бояд ба қадри имкон дар ин фаъолият иштирок намоянд ва ба воизон барои сар кардани омӯзишҳои Китоби Муқаддас кӯмак расонанд.
2 Кумитаи хидматии ҷамъомад муайян хоҳад кард, ки дар кадом рӯзи истироҳатӣ омӯзиши Китоби Муқаддас пешниҳод карда хоҳад шуд. Вақт аз вақт воизон хотиррасон карда мешаванд, то ки ба он рӯз омодагӣ бинанд ва кӯшиш ба харҷ диҳанд, ки аз хона ба хона ва ба шахсоне ки шавқ пайдо карда буданд, омӯзиши Китоби Муқаддас пешкаш намоянд.
3 Чӣ тавр метавон тайёрӣ дид. Пешниҳодот барои сар кардани омӯзиши Китоби Муқаддасро дар «Хидмат ба Салтанати Худо»-и моҳи августи соли 2008 ва китоби «Музокира», дар саҳифаи 11 (рус.) метавон ёфт. Баъзеҳо метавонанд аз рисолаи «Оё шумо мехостед ҳақиқатро бидонед?» истифода баранд. Ҳамчунин маслиҳатҳо барои сар кардани омӯзиши Китоби Муқаддас бо онҳое, ки маҷалла гирифта буданд, дар саҳифаи 3-и «Хидмат ба Салтанати Худо», аз моҳи августи 2007 оварда шудаанд. Мувофиқи ҷадвал пирон ва ходимони ёвар дар муддати 10–15 дақиқа вохӯриҳо барои хидматро гузаронда, дар он бояд як ё ду пешниҳодотро муҳокима кунанд ва намоиш диҳанд.
4 Албатта, на ҳар кас омӯзиши Китоби Муқаддасро қабул хоҳад кард ё ба муддати тӯлонӣ омӯзиш хоҳад намуд. Вале ин набояд моро аз хидматамон боз дорад, чунки худи Яҳува одамони самимиро ба созмони худ ҷалб менамояд (Юҳ. 6:44). Вазифаи мо на танҳо тухми ҳақиқат пошидан, балки он чизеро ки реша давондааст, парваридану об додан мебошад, ки ин бо одамони самимӣ омӯзиши Китоби Муқаддас гузаронданро дар бар мегирад. Чунин амал намуда, мо чун ҳамкорони Худо хидмат хоҳем кард (1 Қӯр. 3:9).