Вебсайти расмии мо. Дар хизмат аз он истифода баред
Одамонро ба истифода бурдани вебсайт даъват кунед. Шахсоне ҳастанд, ки барои бо мо сӯҳбат кардан ё адабиёт гирифтан дудила мебошанд, лекин омодаанд, ки дар хона худашон ба jw.org даромада, бо ташкилоти Шоҳидони Яҳува шинос шаванд. Барои ҳамин дар ҳар мавриди муносиб оиди вебсайт ба одамон гап занед.
Ба саволҳо ҷавоб диҳед. Баъзан соҳибхона, шахси рағбатдор ё ягон шиносамон дар бораи Шоҳидони Яҳува ё эътиқоди мо савол дода метавонад. Тавассути таҷҳизоти электронии дастӣ ё компютер дарҳол ҷавоби саволро ба ӯ нишон диҳед. Хуб мебуд, ки оятҳои овардашударо аз худи Китоби Муқаддас хонед. Агар Интернет бароятон ҳамон вақт дастрас набошад, фаҳмонед, ки чӣ тавр ӯ метавонад ба jw.org даромада, ба саволҳояш ҷавоб ёбад. Барои дастрас кардани маълумот ба «Таълимотҳои Китоби Муқаддас», сипас ба «Ба саволҳои худ ҷавоб ёбед» ё «Дар бораи мо», сипас ба «Саволҳое, ки зуд–зуд дода мешаванд» дароед.
Мақола ё адабиётро ба шиносҳоятон фиристед. Аз сайт мақола ё адабиётро дар намуди PDF ё EPUB гирифта, онро тавассути почтаи электронӣ ба шахс фиристед. Ё адабиётро дар намуди овозӣ (аудио) аз сайт гирифта, дар диск сабт кунед. Ҳар вақте ки шумо ба шахси таъмиднаёфта китоб, брошура ё маҷаллаи пурраро дар намуди электронӣ медиҳед ё мефиристонед, шумо метавонед онро дар ҳисоботи худ қайд кунед. Маводи шумо набояд ба таври махфӣ ё дар ҳаҷми калон фиристода шавад. Ҳамчунин онро ба дигар сайтҳои Интернет гузоштан мумкин нест. Барои гирифтани мавод ба «Адабиётҳо» дароед.
Хабарҳои охиринро оиди Шоҳидони Яҳува нишон диҳед. Ин миннатдории омӯзандагони Китоби Муқаддас ва дигаронро нисбати кори умумиҷаҳонӣ ва ягонагии масеҳиамон зиёд мегардонад (Заб. 132:1). Барои дастрас кардани маълумот ба «Хабарҳо» дароед.
[Tасвир дар саҳифаи 5]
(барои пурра дидани матн дар нашри чопӣ нигаред)
Аз сайт истифода баред
1 Дар қисми «Адабиётҳо» маводи дилхоҳатонро ёфта, барои онро дар шакли матнӣ ё овозӣ гирифтан, тугмачаи мувофиқро пахш кунед.
2 Барои рӯйхати мақолаҳои алоҳидаро дидан, тугмачаи «MP3»-ро зер кунед. Барои мақоларо гирифтан, номи мақоларо ва барои онлайн гӯш кардан бошад, ин аломатро ▸ пахш кунед.
3 Агар ба ягон забони дигар адабиёт гирифтан хоҳед, аз рӯйхат забони даркориро интихоб кунед.