ሕታም መጽናዕቲ

መሲሓዊት መንግስቲ ኣምላኽ፡ የሆዋ ነቲ ብዛዕባ ምድርን ብዛዕባ ደቂ ሰብን ዘለዎ ዕላማ ንኺፍጽሞ ዚጥቀመላ መሳርሒት እያ። ኣብ መጽሓፍ ቅዱስ ተጠቒሱ ዘሎ እተፈላለየ ኺዳናት፡ ምስ ሰማያዊ መንግስቲ ኣምላኽ ብኸመይ ከም ዚተሓሓዝ ክንምርምር ከለና፡ ኣብ መንግስቲ ኣምላኽ ስለምንታይ ድልዱል እምንቶ ኸነሕድር ከም እንኽእል ነስተብህል።

እዛ ዓንቀጽ እዚኣ፡ ጥንታውን ዘመናውን ኣብነታት ኣገልገልቲ የሆዋ ትገልጽ፣ ነቲ ብሓቂ ኣኽቢርካ ኽርአ ዘለዎ መዓይይቲ ኣምላኽ ንኽንከውን እተዋህበና ፍሉይ መሰል ዘሎና ሞሳ ንኸነዕብዮ ድማ ክትሕግዘና እያ።

ኣብዘን ዳሕሮት መዓልትታት፡ ኣብ እምነትና ዜጋጥመና ጸገማት ብዙሕ እዩ። ካብቶም ጥንቲ ዝነበሩ፡ ተመሳሳሊ ጸገማት ከኣ ዘሕለፉ ኸም ኣብርሃምን ሙሴን ዝኣመሰሉ እሙናት ሰብኡት፡ እንታይ ክንመሃር ንኽእል፧ እዚ መጽናዕቲ እዚ፡ ኣብ የሆዋ ኣምላኽን ኣብ መንግስቱን ከነቕልብ ብምትብባዕ ጸገማት ንኽንጻወር ኪሕግዘና እዩ።