ክርስትያናዊ ህይወት
የሆዋ ንጸሎትካ ብኸመይ ከም ዝመለሶ ተስተብህል ዲኻ፧
ኣብ መጽሓፍ ቅዱስ ብዙሕ ኣብነት ዚኸውን የሆዋ ዝመለሶ ጸሎት ይርከብ እዩ። ኣገልገልቲ ኣምላኽ፡ የሆዋ ጭንቀቶም ሰሚዑ ኸም ዝሓገዞም ምስ ረኣዩ፡ እምነቶም ኣዝያ ደልዲላ እያ። ስለዚ፡ ብዛዕባ ዜተሓሳስበና ጕዳይ ብንጹር ምስ ጸለና፡ የሆዋ ንጸሎትና ብኸመይ ከም ዝመለሶ ምስትብሃልና ጽቡቕ እዩ። እቲ የሆዋ ዚህበና መልሲ ኻብቲ ዝሓሰብናዮ እተፈልየ፡ ወይ ካብቲ እተጸበናዮ ንላዕሊ ኪኸውን ከም ዚኽእል ኣይንረስዕ። (2ቈረ 12:7-9፣ ኤፌ 3:20) የሆዋ ንጸሎትና ብኸመይ ኪምልሶ ይኽእል፧
ጸገም ምእንቲ ኽንሰግር ብኣካላዊ፡ ብስምዒታዊ፡ ወይ ብመንፈሳዊ ኸም እንሕይል ብምግባር።—ፊል 4:13
ጽቡቕ ውሳነ ምእንቲ ኽንገብር ጥበብ ብምሃብ።—ያእ 1:5
ድሌትን ንምግባር ዓቕምን ብምሃብ።—ፊል 2:13
ክንጭነቕ ከለና ኸም እንሃድእ ብምግባር።—ፊል 4:6, 7
ካልኦት ብኣካላዊ ወይ ብስምዒታዊ ኸም ዚሕግዙና ብምግባር።—1ዮሃ 3:17, 18
ነታ የሆዋ “ሰማዕ ጸሎት” እዩ ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦
ብሰንኪ ጸገም ጥዕና ዓቕምና እንተ ተደሪቱ፡ ተመክሮ ሓውና ሺሚዙ ኼተባብዓና ዚኽእል ብኸመይ እዩ፧
ንኣብነት ሓውና ሺሚዙ ኽንቀድሖ እንኽእል ብኸመይ ኢና፧