ኣምላኻዊ ባህርያት ኣማዕብል—እምነት

ኣገዳሲት ዝዀነት ስለምንታይ እያ፧

• ንኣምላኽ ባህ ከተብሎ እምነት ኣድላዪት እያ። —እብ 11:6

• ኣብ ተስፋታት ኣምላኽ እምነት ምሕዳር፡ ፈተናታት ክንጻወር ይሕግዘና።—1ጴጥ 1:6, 7

• ጕድለት እምነት ናብ ሓጢኣት ኪመርሕ ይኽእል።—እብ 3:12, 13

እንታይ ክትገብር ኣሎካ፧

• እምነት ምእንቲ ኺውሰኸልካ ጸሊ።—ሉቃ 11:9, 13፣ ገላ 5:22

• ንቓል ኣምላኽ ኣንብቦን ኣስተንትነሉን።—ሮሜ 10:17፣ 1ጢሞ 4:15

• ኣዘውቲርካ ምስ ሰብ እምነት ሕበር።—ሮሜ 1:11, 12

ነታ ተኣማንነት ዚሃንጽ ዘበለ ስዓብ—እምነት ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ‘ግብዝና ዘይብላ እምነት’ እንታይ እያ፧ (1ጢሞ 1:5)

• ድልድልቲ እምነት ንምህናጽ፡ ከነወግዶ ዘሎና ኣሉታዊ ጽልዋ እንታይ እዩ፧

• ኣብ እዋን እቲ ብርቱዕ ጸበባ፡ እምነት ኣድላዪት ዝዀነት ስለምንታይ እያ፧ (እብ 10:39)