‘ምድሪ ነቲ ውሒዝ ወሓጠቶ’

ኣብ መላእ ታሪኽ ወዲ ሰብ፡ ዓለማውያን ሰበ ስልጣን ንህዝቢ የሆዋ ኣብ እተፈላለየ እዋን ሓጊዞም እዮም። (እዝ 6:1-12፣ እዝ 8:10-13) ኣብ ግዜና እውን ከይተረፈ፡ “ምድሪ”—ማለት ኣብዚ ዝያዳ ሚዛናዊ ስርዓት ዓለም ዘሎ ባእታታት—ነቲ በቲ “ገበል” ዝዀነ ሰይጣን ድያብሎስ ዚፍኖ “ውሒዝ” መስጐጕቲ ኽትውሕጦ ርኢና ኢና። (ራእ 12:16) የሆዋ እቲ “ዜድሕን ኣምላኽ፡” ህዝቡ ዕረፍቲ ምእንቲ ኺረኽቡ ሓድሓደ ግዜ ንሰብኣውያን መራሕቲ ኺድርኾም ይኽእል እዩ።—መዝ 68:20፣ ምሳ 21:1።

ብምኽንያት እምነትካ ተኣሲርካ እንተ ትኸውንከ፧ የሆዋ ይርእየካ ኸም ዘሎ ኣይትጠራጠር። (ዘፍ 39:21-23፣ መዝ 105:17-20) እምነትካ ዓስቢ ኸም ዘለዎን ንጽህናኻ ምሕላውካ ኣብ መላእ ዓለም ንዘለዉ ኣሕዋትካ ኸም ዜተባብዖምን ርግጸኛ ኹን።—ፊል 1:12-14 ራእ 2:10።

ነታ ኮርያውያን ኣሕዋትና ኻብ ቤት ማእሰርቲ ተፈቲሖም ዘርእስታ ቪድዮ ርኣያ እሞ፡ ድሕሪኡ ነዚ ዚስዕብ ሕቶታት መልሶ፦

• ኣብ ዝሓለፈ ዓመታት፡ ኣብ ደቡብ ኮርያ ብኣሽሓት ዚቝጸሩ ኣሕዋትና እተኣስሩ ስለምንታይ እዮም፧

• ንገሊኦም ኣሕዋትና ብኣጋኡ ኺፍትሑ ዘኽኣለ ናይ ቤት ፍርዲ ብይን እንታይ እዩ፧

• ነቶም ኣብዚ ግዜ እዚ፡ ብምኽንያት እምነቶም ኣብ መላእ ዓለም ተኣሲሮም ዘለዉ ኣሕዋትና ኽንሕግዞም እንኽእል ብኸመይ ኢና፧

• ነቲ ሕጂ ረኺብናዮ ዘሎና ዝዀነ ይኹን ናጽነት ብኸመይ ኢና ኽንጥቀመሉ ዘሎና፧

• ስለቲ ኣብ ቤት ፍርዲ ዝረኸብናዮ ዝዀነ ይኹን ዓወታት፡ ኪምስገን ዘለዎ መን እዩ፧