ብውዕዉዕ ስምዒት ብምምሃር

ውዕዉዕ ስምዒት ተመሓላላፊ እዩ። ከመይሲ፡ ኣቓልቦ ሰማዕትና ኺስሕብ ይኽእል እዩ። ብዘይካዚ፡ መልእኽትና ኽቡር ምዃኑ የርኢ። ባህልና ወይ ባህርይና ብዘየገድስ፡ ውዕዉዕ ስምዒት ከነማዕብል ንኽእል ኢና። (ሮሜ 12:11) ብኸመይ፧

ቀዳማይ፡ ብዛዕባ ኣገዳስነት እቲ መልእኽቲ ሕሰብ። ‘ሰናይ ብስራት’ ናይ ምብሳር ፍሉይ መሰል ኢኻ ረኺብካ። (ሮሜ 10:15) ካልኣይ፡ እቲ ብስራት ኣብ ሰማዕትኻ ብዛዕባ ዜሕድሮ ጽቡቕ ጽልዋ ኣስተንትን። ነቲ እትብሎ ብሓቂ ኺሰምዕዎ ኣለዎም። (ሮሜ 10:13, 14) ሳልሳይ፡ ብቕንኣትን ብባህርያዊ ኣካላዊ ምንቅስቓስን ካብ ልቢ ብዝነቐለ ኣብ ገጽ ዚንበብ መግለጽን ተዛረብ።

ነታ ደቀ መዛሙርቲ ብምግባር ተሓጐስ—ክእለትካ ኣመሓይሽ—ብውዕዉዕ ስምዒት ብምምሃር ዘርእስታ ድራማዊት ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  ኒታ ንጄድ መጽናዕቲ መጽሓፍ ቅዱስ ክትመርሓላ ኸላ ዝነበራ ውዕዉዕ ስምዒት ዝጠፍአ ብኸመይ እዩ፧

• 

  ኒታ ነቲ ዝነበራ ውዕዉዕ ስምዒት እንደገና ኼተጓሃህሮ ዝሓገዛ እንታይ እዩ፧

• 

  ኣብ ኣወንታዊ ባህርያት ሰማዕትና ኸነተኵር ዘሎና ስለምንታይ ኢና፧

• ውዕዉዕ ስምዒት ኣብ ተማህሮ መጽሓፍ ቅዱስናን ኣብ ካልኦትን እንታይ ጽልዋ ኼሕድር ይኽእል፧