ሕቶታት ሕተት

የሆዋ እቲ “ሕጉስ ኣምላኽ” ኣብ ኣገልግሎት ክንሕጐስ ይደልየና እዩ። (1ጢሞ 1:11) ክእለትና ኸነመሓይሽ ክንጽዕር ከለና፡ ሓጐስና ይውስኽ እዩ። ሕቶታት ምሕታት ተገዳስነት የለዓዕል፡ ብባህርያዊ መገዲ ዝርርብ ንምጅማር ከኣ ይሕግዝ። ሕቶታት ንሰባት ከም ዚሓስቡን ከም ዜመዛዝኑን ይገብሮም። (ማቴ 22:41-45) ሕቶታት ክንሓትትን ጽን ኢልና ኽንሰምዕን ከለና፡ ብተዘዋዋሪ ነቲ ሰብ፡ ‘ንዓይ ተገድሰኒ ኢኻ’ ንብሎ ኸም ዘለና እዩ ዚቝጸር። (ያእ 1:19) እቲ ዚህቦ መልሲ ኸኣ ንዝርርብና ብዝሓሸ መገዲ ብኸመይ ከነቕርቦ ኸም እንኽእል ይሕግዘና እዩ።

ነታ ደቀ መዛሙርቲ ብምግባር ተሓጐስ—ክእለትካ ኣመሓይሽ—ሕቶታት ብምሕታት ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  ጀድ እንታይ ጽቡቕ ባህርያት እዩ ነይርዋ፧

• 

  ኒታ ንጀድ ከም እትግደሰላ ዜርኢ እንታይ ሕቶታት እያ ተጠቒማ፧

• 

  ኒታ ንጀድ ነቲ ኣብ ብስራት መንግስቲ ኣምላኽ ዘለዋ ተገዳስነት ከተጐሃህረላ፡ እንታይ ሕቶታት እያ ተጠቒማ፧

• 

  ኒታ ንጀድ ከም እትሓስብን ከም እተመዛዝንን ዚገብር እንታይ ሕቶታት እያ ተጠቒማ፧