ኣብ ስድራ ቤት ፍቕሪ ኣርኢ

ፍቕሪ፡ ንስድራ ቤት ከም መላገቢ ዜጣብቕ ባህርይ እዩ። ስድራ ቤት ብዘይ ፍቕሪ፡ ሓድነትን መንፈስ ምትሕብባርን ኪህልዋ ኣጸጋሚ እዩ። እሞ ደኣ፡ ሰብኡትን ኣንስትን ወለድን ኣብ ስድራ ቤቶም ፍቕሪ ኼርእዩ ዚኽእሉ ብኸመይ እዮም፧

ፈቃር ሰብኣይ ድሌትን ኣረኣእያን ስምዒትን ሰበይቱ ኣብ ግምት የእቱ እዩ። (ኤፌ 5:28, 29) ንስድራ ቤቱ ብስጋውን ብመንፈሳውን ይናብዮም፣ ስሩዕ ኣምልኾ ስድራ ቤት ምሸት ከም ዚህሉ እውን ይገብር እዩ። (1ጢሞ 5:8) ፈቃር ሰበይቲ ንሰብኣያ ትግዝኦን “ብዙሕ ተኽብሮ”ን እያ። (ኤፌ 5:22, 33፣ 1ጴጥ 3:1-6) መጻምድቲ ንሓድሕዶም ብናጻ ይቕረ ኺባሃሃሉ ኣለዎም። (ኤፌ 4:32) ፈቃራት ወለዲ ንነፍሲ ወከፍ ውሉዶም ተገዳስነት ብምርኣይ፡ ንየሆዋ ኼፍቅሩ ይምህርዎም እዮም። (ዘዳ 6:6, 7፣ ኤፌ 6:4) ደቆም ኣብ ቤት ትምህርቲ እንታይ ጸገማት እዩ ዜጋጥሞም፧ ንጸቕጢ መዛኑ ብኸመይ ይዋጽኡሉ ኣለዉ፧ ኣብ ስድራ ቤት ሓያል ፍቕሪ ምስ እትህሉ፡ ኵሎም ኣባላት እታ ስድራ ይቐስኑ።

ነታ ኣብ ስድራ ቤትካ ዘይተቋርጽ ፍቕሪ ኣርኢ ዘርእስታ ቪድዮ ርኣያ እሞ፡ ድሕሪኡ፡ ነዚ ዚስዕብ ሕቶታት መልሶ፦

• 

  ፈቃር ሰብኣይ ንሰበይቱ ዚምግባን ዚሕብሕባን ብኸመይ እዩ፧

• 

  ፈቃር ሰበይቲ ንሰብኣያ ብዙሕ እተኽብሮ ብኸመይ እያ፧

• 

  ፈቃራት ወለዲ ንደቆም ቃል ኣምላኽ ዚቐርጹሎም ብኸመይ እዮም፧