የሱስ ንድኽነት መወዳእታ ኺገብረሉ እዩ

የሱስ ኣብ ምድሪ ኸሎ ንደቂ ሰብ ብፍላይ ከኣ ንድኻታትን ንእተሸገሩን ዝነበረቶ ዓባይ ፍቕሪ ኣርእዩ እዩ። (ማቴዎስ 9:36) ሕሉፍ ሓሊፉ ኸኣ ንጥቕሚ ኻልኦት ኪብል ህይወቱ ሰዊኡ እዩ። (ማቴዎስ 20:28፣ ዮሃንስ 15:13) ኣብ ቀረባ ግዜ እውን እዛ ፍቕሪ እዚኣ፡ ነቲ ኸም ንጉስ መንግስቲ ኣምላኽ መጠን ዘለዎ ስልጣን ተጠቒሙ ንድኽነት ኣብ ብዘላ ምድሪ መወዳእታ ኺገብረሉ ኸተለዓዕሎ እያ።

መጽሓፍ ቅዱስ ብዜጸናንዕ ቃላት ገይሩ የሱስ እንታይ ከም ዚገብር ይሕብረና፦

• “ነቶም ኣብ መንጎ ህዝብኻ ዘለዉ ትሑታት ይጣበቐሎም፣ ንደቂ ድኻ ድማ የድሕኖም።”—መዝሙር 72:4።

ነቲ የሱስ ዝገበረልናን ነቲ ብሕጂ ዚገብረልናን ዘሎና ሞሳ ብኸመይ ነርኢ፧ ብዛዕባ እቲ ንሱ ዚሰብኮ ዝነበረ መልእኽቲ፡ ማለት ብዛዕባ “ብስራት መንግስቲ ኣምላኽ” ብዝያዳ ብምፍላጥ እዩ። (ሉቃስ 4:43) ከምኡ ንምግባር፡ ነታ “መንግስቲ ኣምላኽ እንታይ እያ፧” ዘርእስታ ዓንቀጽ ኣንብባ።