Yesaia
14 Gadia Yehova una zungwe Yakob mhôônom,+ shi una hide a tsua Iserael.+ Una ver ve* ken tar ve,+ nahan ushirmbaiorov vea kohol ve, vea lu vea ve imôngo hen ya u Yakob.+ 2 Shi ior vea kura ve a va a mi hen ijiir ve, nahan ya u Iserael una ngohol ve, vea hingir ikpan i nomso man ikpan i ukase+ ken tar u Yehova; vea hide a kôr ior mba yange ve yem a ve uikyangen la ikpan. Mba yange ve lu kighir ve, ve lu eren tom la* vea hingir sha ikyev ve.
3 Sha iyange i Yehova una na u mmem ken mnyoon wou man ken mlu wou u vihin tsung, kua ken ican i i na u kpishi shighe u u lu ken kpan la,+ 4 u ôr injakwagh ne sha tor u Babilon, wer:
“Kwagh u un u a lu kighir mbagenev ér ve er tom la bee!
Ican i yan bee!+
5 Yehova kever aga u aferaior
Man gbough ku mbahemenev,+
6 Man un u a lu gbidyen ior sha ishimavihin, tan ve azu gbem,+
Kua un u a lu ngohol akuraior sha ishimavihin, nan ve ican ngeegh la.+
7 Tar cii mem hegen, zayol kera ngu ga.
Ior mba geren sha iember.+
8 Ikyon i yunipa je kpa ember sha kwagh wou,
Vea ikyon i sedar i ken Lebanon.
Mba kaan ér, ‘Hii shighe u u gba la je,
Orgberenikyon ngu a va u gberen se ga.’
9 Uwar* u shin atô u inyaagh je kpa a kpiligh u iyol
Shighe u u sen shin u la.
Ka we u ne, ú nder mba ve kpe ve lu a agee shin ku ga la ye,
Ka mbahemenev mba kighir ior* mba shin tar cii je la.
Ka u na utor mba akuraior cii ve hungwa sha mkônom vem ma torom kera.
10 Ve cii ve lam ve kaa a we ér,
‘We kpa u hingir telegh er se nahana?
U hingir er se nahana?
U yav sha azôô er ka gambe nahan,
U gema u cir mbaanyingôr iyol er ka ikyondo nahan.’
12 Nenge imba er u osough sha, u gbe ne sha wono,
We u u engem, we wan u iwanger i sha use ne!
Nenge imba er i gber u i kende shin tar ne sha wono!
We u yange u tim akuraior ne!+
13 U kaa ken ishima you wer, ‘Me kôndo sha usha.+
Me kende a ikyônough yagh ki torough sha, kia tav a kar asan a Aôndo,+
Shi me tema sha uwo u kohol her,
Sha ajiir a ken imbusutarimese a hemban gban ica la.+
14 Me kôndo sha, me za kar abeen a sha atô;
Me gema iyol yam me hingir er Uhemban Cii nahan.’
15 Nahan kpa, a gema a sen a we shin Uwar*
Shin ajiir a shin ihyungwa a hemban zan la.
16 Mba vea nenge a we la, vea tseghem a kenger we;
Vea kenger we vighe vighe, vea kaa ér,
‘Ka or u yange lu tenger tar,
Un u yange na ityartor gbidye akarkase iyol nee?+
17 Ka un shon u yange er tar u ior tema sha mi la hingir taaikyôngo
Shi ngohol agar a u,+
Venda u pasen mbakwarev nav ér ve hide ve yem ken ya nee?’+
19 Kpa i ta u kera a uwar shio,
Er mende* u ndôhôrshima nahan,
I cir u ior mba yange i kuma ve sanker i wua la iyol,
Mba ve sen shin awen a shin ihyungwa,
Er ikyom i i ndyar i angahar nahan la.
20 Ú kohol ve shin uwar ga,
Sha ci u yange u vihi tar wou,
U wua ior ou.
Mayange shi a kera yila ati a ônov mba aferaior ga.
21 Wa iyol u sôngon ônov nav
Sha ci u ibo i uter vev,
Sha er vea mough a ngohol tar la,
Vea iv u a agar a ve ga yô.”
22 Ka kwagh u Yehova u akum a sha a kaa je ne, ér, “Me mough me ta ityav sha a ve.”+
Yehova kaa ér, “Me bee a iti man ior mba ve shi her man ônov kua ikyov i ken hemen ken Babilon kera.”+
23 Yehova u akum a sha kaa ér, “Shi me er Babilon una hingir dyako u iyugh man atungu a mnger, shi me ese un sha canca u mtim.”+
24 Yehova u akum a sha bum kaa ér:
“Ka kwagh u m we ishima u eren la una er vough ye,
Shi kwagh u m tsough u eren la, ka un vough una er ye.
25 Me njighe Ashiria ken tar wam kera,
Shi me ndyar un angahar sha iwo yam.+
A kar a igbur na hen a ve kera,
Shi a shir ikyav nav sha akende a ve kera.”+
27 Gadia Yehova u akum a sha tsua kwagh u una er yô,
Nahan ka an nana fatyô u yangen kwagh shono?+
A naregh uwegh nagh,
Nahan ka an nana fatyô u hiden a ku?+
28 Ka kwagh u yange i ôr ken inyom i Tor Ahashi kpe+ la je ne, ér:
29 “We Filitia, or môm ken a we nana de ember,
Sha ci u i kever gbough ku un u a lu gbidyen we la tseegh tsô ga.
30 Shighe u waniunda u mba gban kwagh ga una lu yan kwagh,
Shi mbaatsanev vea lu yaven bem bem la,
Me wua mise wou sha ijen,
Shi kwagh u u mase shin a mi la, a wua kera.+
31 Gber kwelegh, we hunda! Vaa genger genger, we gar!
We Filitia, ne cii iyol ia kpe ne!
Gadia mnyim ma van ken imbusutarimese,
Shi or môm ken ikyumutya na nan ngu ken ijime ga.”
32 Ka nyi vea ôr a mbaôron-loho mba ikyurior laa?
Vea ôr ér Yehova wa imagh ki Shion,+
Nahan ior nav mba ve gbe kwagh ga la vea yer ken Shion.