Zebur
Alaçsyz galyp, ruhdan düşen adamyň Ýehowa eden dogasy+.
2 Agyr günümde menden ýüzüňi sowma+,
Aşak egil-de, sözümi diňle.
Seni çagyrýaryn, tizräk jogap ber+.
3 Ömrüm tüsse kimin gaýyp bolýar,
Süňklerim köz kimin ýanyp barýar+.
4 Işdäm kesildi,
Ýüregim saralyp-solan ota döndi+.
6 Çölde galan gotan ýaly boldum,
Harabalykda ýaşaýan baýguşa meňzedim.
8 Uzakly gün duşmanlarym üstümden gülýär+,
Ýaňsylaýjylar adymy tutup gargaýar.
9 Çörege derek kül iýýärin+,
Içýän suwuma gözýaşlarym damýar+.
10 Sen gahar-gazaba mündüň,
Meni ýokary galdyryp, ýere zyňdyň.
13 Sen aýaga galyp, Siona rehim edersiň+.
Sebäbi ýagşylyk etmeli wagtyň geldi+,
Bellän möhletiň doldy+.
15 Milletler Ýehowanyň adyndan gorkarlar,
Patyşalar şan-şöhratyny görerler+.
18 Muny geljekki nesil üçin ýazdym+.
Goý, dünýä injekler hem Ýaha alkyş aýtsynlar!
19 Ýehowa mukaddes mekanyndan seredýär+,
Gökden ýer ýüzüni synlaýar.
20 Tussaglaryň ahy-zaryny eşidýär+,
Ölüme höküm edilenleri azat edýär+.
21 Ýehowanyň ady Sionda wasp edilsin+,
Şan-şöhraty Iýerusalimde yglan edilsin.
22 Goý, halklar we patyşalyklar,
Ýehowa agzybir gulluk etsinler+.
23 Ol orta ýaşda güýjümi aldy,
Ömrümi gysgaltdy.
25 Gadymy döwürde ýeriň düýbüni tutduň,
Gök asmany eliň bilen ýazdyň+.
26 Olar ýok bolup giderler, emma sen hemişelik bolarsyň;
Olar don ýaly könelip ýyrtylar.
Sen olary egin-eşik ýaly çalşyrarsyň, ählisini ýok edersiň.
28 Gullaryň nesli asuda ýaşar,
Nebereleri ebedilik huzuryňda durar»+.