Zebur

114 Ysraýyl Müsürden çykanda+,

Ýakubyň nesli keseki* halkyň arasyndan çykanda,

2 Ýahuda Hudaýyň mukaddes mekany,

Ysraýyl onuň patyşalygy boldy+.

3 Deňiz muny görüp gaçdy+,

Iordan yza çekildi+.

4 Daglar goç kimin,

Depeler guzy kimin bökjekledi+.

5 Eý deňiz, sen näme üçin gaçdyň?+

Eý Iordan, näme üçin yza çekildiň?+

6 Eý daglar, näme üçin goç kimin bökjeklediňiz?

Eý depeler, näme üçin guzy kimin bökjeklediňiz?

7 Eý ýer ýüzi, Hökümdar Hudaýyň huzurynda,

Ýakubyň Hudaýynyň öňünde titräň+.

8 Ol gaýany gamyşly köle öwürýär,

Kert gaýadan çeşme akdyrýar+.