Zebur
Aýdymçylaryň ýolbaşçysyna. Dawudyň aýdymy.
31 Eý Ýehowa, sen meniň Penam!+
Eý adalatly Hudaý, meni halas et!+
Hiç haçan utanja galmaýyn+.
2 Aşak egil-de, sözümi diňle,
Ýetiş meniň dadyma+.
Dagda gurlan gala bol,
Berk gala dek meni gora+.
5 Eý Ýehowa, janymy saňa ynandym+.
Wepaly Hudaýym*, meni halas etdiň+.
6 Dereksiz butlara sežde edýänleri ýigrenýärin,
Men Ýehowa bil baglaýaryn.
8 Meni asuda ýere eltdiň.
Duşman eline bermediň.
9 Eý Ýehowa, rehim eýle! Ýüregim para-para,
Gözlerim küteldi+, bedenim gurady+.
Günämden ýaňa gurbatym gaçdy,
Süňklerim gurady+.
11 Duşmanlarym üstümden gülýär+,
Goňşylarym kemsidýär.
Tanyşlarym menden gorkýar,
Meni görüp gaçyp gidýär+.
12 Unutdylar meni merhum adam deý,
Halym harap boldy, döwük küýze deý.
13 Men gorka düşdüm.
Gybatymy etdiler+,
Dildüwşük gurdular,
Öldürmegiň küýüne düşdüler+.
14 Eý Ýehowa, saňa bil baglaýaryn!+
«Sen meniň Hudaýym» diýýärin+.
15 Ömrüm seniň eliňde,
Yzarlaýanlardan, duşmanlardan halas et+.
16 Seniň ýüzüň bendäňe nur saçsyn+,
Wepaly bolup*, meni halas et.
17 Eý Ýehowa, seni çagyrýaryn, utanja goýma+.
18 Ýalançylaryň dili tutulsyn+,
Dogruçyllary kemsidýänler, gopbamsylar dymsyn.
19 Eden ýagşylygyň çägi ýok!+
20 Olary gizlin ýeriňde saklarsyň,
Päliýamanlardan gorarsyň+.
Olary penaňda saklarsyň,
Zalymlaryň hüjüminden+ gorarsyň.
21 Şäheri gabasalar-da+,
Gudratly işleriň arkaly wepaly söýgiňi gördüm+.
Eý Ýehowa, saňa alkyş bolsun!
22 Gorkudan ýaňa: «Meni huzuryňdan ýok ederler» diýdim+.
Ýöne sen dilegime jogap berdiň+.