Zebur
Aýdymçylaryň ýolbaşçysyna. «Meni heläk etme» diýen saza goşup aýtmaly. Dawudyň aýdymy. Miktam*. Dawut Şawuldan gaçyp, gowakda gizlenýär+.
57 Maňa rehim eýle, eý Hudaý, maňa rehim eýle!
Sebäbi sen meniň penamsyň+,
Howp-hatar geçýänçä, ganatlaryň astynda pena taparyn+.
2 Allatagalany*, hak Hudaýy çagyraryn,
Ol dertlerimden dyndarar.
3 Ol gökden kömek eder, meni halas eder+,
Meni ezýänler utanja galar. (Sela)
Hudaý maňa ýagşylyk eder*, wepaly bolar+.
4 Arslanlar meni gabady+,
Ýolbarslaryň arasynda ýatyryn.
Olaryň dişi naýza hem okdur,
Dilleri ýiti gylyçdyr+.
5 Eý Hudaý, şan-şöhratyň asmana,
Bütin dünýä ýaň salsyn!+
Ýoluma çukur gazanlar,
Öz gazan çukuryna özleri düşdi+. (Sela)
7 Ýa Alla, men saňa wepaly+,
Saňa wepaly!
Seniň şanyňa aýdym aýdaryn.
8 Oýan, eý ýüregim!
Oýan, eý çeňim!* Oýan, eý arfam!
Men daň şapagyny oýararyn+.
10 Sebäbi wepaly söýgiň göge ýetýär+,
Wepadarlygyň arşa galýar.
11 Eý Hudaý, şan-şöhratyň asmana,
Bütin dünýä ýaň salsyn!+