Zebur

93 Ýehowa Patyşa boldy!+

Ýehowa şöhrat donuny egnine atdy,

Güýji lybas kimin geýdi,

Kuwwaty guşak kimin biline dakdy.

Ýeriň düýbüni tutdy,

Ol indi asla sarsmaz.

2 Seniň tagtyň gadym döwürlerden bäri dur+,

Sen hemişe⁠-⁠de bardyň+.

3 Eý Ýehowa, derýalar joşup akdy,

Güwwüldäp, dolup daşdy.

Derýalar möwç urdy.

4 Göklerde oturan Ýehowa+,

Güwwüldäp akýan suwlardan,

Tolkun atýan deňizden has güýçlüdir+.

5 Seniň öwüt⁠-⁠ündewiň* ynama mynasypdyr+.

Eý Ýehowa, öýüňi hemişe mukaddeslik bezär+.