Zebur

Aýdym.

98 Ýehowa üçin täze aýdym aýdyň+,

Ol täsin işleri edýär+.

Sag eli, mukaddes goly bilen halas edýär+.

2 Ýehowa halasgärdigini+,

Adalatly Hudaýdygyny milletlere yglan edýär+.

3 Ol ysraýyl halkyny söýendigini*, wepalydygyny ýatlady+.

Bütin ýer ýüzi Hudaýymyzyň halas edişini gördi+.

4 Eý ýer ýüzi, Ýehowa ýeňiş aýdymyny aýdyň,

Şatlanyň, begeniň, joşup alkyş aýdyň+.

5 Ýehowany arfa bilen wasp ediň,

Arfanyň şirin owazy bilen aýdym aýdyň!

6 Surnaý we bory* çalyp+,

Ýehowa Patyşanyň öňünde ýeňiş aýdymyny aýdyň.

7 Goý, deňiz we içindäkiler,

Ýer we janly⁠-⁠jandarlar joşup aýdym aýtsyn.

8 Goý, derýalar çapak çalsyn,

Daglar begenjinden ýaňa gygyrsyn+.

9 Goý, olar Ýehowanyň öňünde şatlansyn.

Sebäbi ol ýer ýüzüne höküm çykarmaga geler,

Bütin ýer ýüzüni dogruçyllyk+,

Halklary adalatlylyk bilen höküm eder+.