11 Süleýman patyşa faraonyň gyzyna+ öýlenipdi. Ol başga milletli köp aýallara⁠-⁠da, mowap+, ammon+, edomly, sidonly+ we het+ aýallara⁠-⁠da göwün berdi+. 2 Ýehowa ysraýyllara şol milletler hakda duýduryş berip: «Olar bilen garyndaşlyk açmaň*, ýogsam olar sizi öz taňrylaryna sežde etdirer*»+ diýipdi. Süleýman bolsa şonda⁠-⁠da olara ysnyşyp, ýüregini berdi. 3 Süleýmanyň 700 aýaly, 300 gyrnagy bardy. Aýallary ony kem⁠-⁠kemden ýoldan çykardylar*.

26 Ysraýyl patyşasy Süleýman şol zatlar sebäpli günä etmedimi? Halklaryň arasynda Süleýmana taý geljek patyşa ýokdy+. Hudaý ony gowy görüp+, tutuş Ysraýyla patyşa edip goýdy. Emma başga milletli aýallary Süleýmana günä etdirdiler+.