9 Soňra Alyşa bir pygamberi* çagyryp: «Biliňi berk guşap, eliňe ýagly gaby al⁠-⁠da, haýal etmän Ramot⁠-⁠gileada+ git. 2 Baryp, Nimşiniň agtygy, Ýehoşapatyň ogly Ýehuwy+ tap. Ol ýoldaşlary bilen oturandyr. Ýehuwy öýe salyp, 3 başyna ýag guý⁠-⁠da: „Ýehowa şeýle diýýär: „Men seni Ysraýyla patyşa belleýärin“+ diý. Soňam gapyny aç⁠-⁠da, yzyňa garaman gaç» diýdi.

30 Soňra Ýehuw Ýizregele+ bardy. Muny eşiden Izabel+ gözüne sürme çalyp*, saçyna timar berdi⁠-⁠de, penjireden seretdi. 31 Ýehuw derwezeden giren badyna, Izabel: «Hökümdaryny öldüren Zimriniň ýagdaýlary neneň?»+ diýip sorady. 32 Ýehuw ýokaryk seredip: «Kim meniň tarapymda?»+ diýip gygyrdy. Şonda köşk emeldarlarynyň iki⁠-⁠üç sanysy penjireden seretdi. 33 Ýehuw: «Izabeli aşak zyňyň!» diýdi. Olar Izabeli aşak zyňdylar. Izabeliň gany diwara we atlara syçrap gitdi. Ýehuw bolsa arabasy bilen üstünden sürüp geçdi.