10 «Assiriýa patyşasy Sanherip şeýle diýýär: „Iýerusalimiň gabalandygyny göreňizokmy? Şäherde arkaýyn otyrsyňyz welin, nämä daýanýaňyz?+

4 Baş şerapçy olara şeýle diýdi: «Assiriýanyň beýik patyşasynyň habaryny Hizkiýa ýetiriň: „Sen nämä daýanýarsyň?+ 5 Sen: „Men söweşe ökde we güýç-kuwwatym bar“ diýýärsiň, ýöne aýdýanyň boş söz. Kime bil baglap, maňa garşy çykdyň?+ 6 Sen Müsüre, epilen gamşa bil baglaýansyň. Gamşa söýenseň, gamyş eliňe çümüp, aýaňy keser. Müsür faraonyna bil baglan adamyň hem görjegi şudur+. 7 Belki: „Biz Ýehowa Hudaýymyza bil baglaýarys“ diýýänsiňiz. Hizkiýa Ýahuda we Iýerusalim ilatyna: „Siz şu gurbanlyk ojagynyň* öňünde sežde ediň“ diýipdi+. Onda näme üçin ol Hudaýyňyzyň seždegählerini* we gurbanlyk ojaklaryny aýyrdy?“+ 8 Sen meniň hökümdarym Assiriýa patyşasy+ bilen jedel etjekmi? Saňa 2 000 at bersem, ata çykar ýaly nöker tapyp bilermiň? 9 Müsüriň söweş arabalaryna we atlylaryna bil baglasaň-da, hökümdarymyň iň pes häkimine gaýtawul berip bilermiň? 10 Onsoňam, bärik Ýehowadan birugsat gelendirin öýdýärmiň? Ýehowanyň özi maňa: „Bar, şol ýurda çoz-da, ýer bilen ýegsan et“ diýdi“».