• Zebur 14:1—7
    Mukaddes Kitap

    • 14 Akylsyz adam içinden:

      «Ýehowa ýok»+ diýýär.

      Olar ýoldan çykdylar, ýigrenji işleri edýärler.

      Ýagşylyk edýän ýok+.

       2 Ýöne Ýehowa gökden ynsan ogullaryny synlap,

      Ýehowany gözleýäni, düşünjeli adamy tapmak isleýär+.

       3 Olaryň bary ýoldan çykdy+,

      Ählisi azdy.

      Ýagşylyk edýän ýok,

      Ýekejesi⁠-⁠de ýok.

       4 Ýamanlyk edýänleriň düşünjesi ýokmy?

      Olar halkymy çörek ýaly lak⁠-⁠luk atýarlar,

      Ýehowany çagyrmaýarlar.

       5 Olar gorkup titreşer+,

      Sebäbi Ýehowa dogruçylyň neslini goldar.

       6 Eý zalymlar, garybyň işine böwet bolýarsyňyz.

      Emma Ýehowa garybyň penasydyr+.

       7 Goý, Ysraýylyň halasgäri Siondan gelsin!+

      Ýehowa ýesir düşen halkyny yzyna getirer.

      Goý, Ýakup şatlansyn, Ysraýyl begensin!