• Zebur 53:sözbaşy—6
    Mukaddes Kitap

    • Aýdymçylaryň ýolbaşçysyna. Mahalot*. Maskil*. Dawudyň aýdymy.

      53 Akylsyz adam içinden:

      «Ýehowa ýok»+ diýýär.

      Erbetler hilegärlik we ýigrenji işleri edýär,

      Ýagşylyk edýän ýok+.

       2 Ýehowa gökden ynsan ogullaryny synlap+,

      Hudaýy gözleýäni, düşünjeli adamy tapmak isleýär+.

       3 Olaryň bary ýoldan çykdy,

      Ählisi azdy.

      Ýagşylyk edýän ýok,

      Ýekejesi⁠-⁠de ýok+.

       4 Ýamanlyk edýänleriň düşünjesi ýokmy?

      Olar halkymy çörek ýaly lak⁠-⁠luk atýarlar,

      Ýehowany çagyrmaýarlar+.

       5 Olar gorkup titreşer,

      Dünýä ineni bäri şeýle gorkan däldirler*.

      Hudaý halkyna topulanlaryň süňküni pytradar.

      Ysraýylyň duşmanlary masgara bolar,

      Sebäbi Ýehowa olara garşy çykar.

       6 Goý, Ysraýylyň halasgäri Siondan gelsin!+

      Ýehowa ýesir düşen halkyny yzyna getirer.

      Goý, Ýakup şatlansyn, Ysraýyl begensin!

  • Rimliler 3:10—12
    Mukaddes Kitap

    • 10 Şol sebäpli: «Dogruçyl adam ýok, ýekejesi-de ýok+. 11 Ýekeje düşünjeli adam hem ýok, Hudaýy agtarýan hem ýok. 12 Ähli adamlar dogry ýoldan sowuldylar, olaryň hiç birinden peýda ýok. Ýagşylyk edýän adam ýok, ýekejesi-de ýok»+ diýip ýazylandyr.