16 Kareýiň ogly Ýohanan we goşunbaşylar Netanýanyň ogly Ysmaýylyň Mispadan ýesir alan adamlaryny halas etdiler. Ysmaýyl Ahykamyň ogly Gedalýany öldüripdi+. Olar aýal⁠-⁠erkekleri, çagalary, köşk emeldarlaryny we esgerleri Gibgondan alyp gaýtdylar.

42 Soňra goşunbaşylar, Kareýiň ogly Ýohanan+, Hoşaýaryň ogly Ýeznap we halkyň uludan⁠-⁠kiçisi gelip, 2 Ýermeýa pygambere şeýle diýdiler: «Haýyş edýäris, Ýehowa Hudaýyňa biziň üçin, aman galan adamlar üçin ýalbaryp doga et. Özüňem görüp dursuň, uly halkdan sanlyja adam galdy+. 3 Goý, seniň Hudaýyň Ýehowa bize ýöremeli ýolumyzy görkezsin we näme etmelidigimizi aýtsyn».