• Ýermeýa 22:17
    Mukaddes Kitap

    • 17 Emma seniň gözüň bolsa haram gazanja dikilipdir.

      Ýüregiň bigünä gan dökmäge,

      Ýalan sözlemäge we adamlary talamaga ýykgyndyr“.

  • Ýermeýa 23:5
    Mukaddes Kitap

    • 5 Şeýle günler geler, men Dawudyň neslinden bir dogruçyl şaha* çykararyn+ — muny Ýehowa aýdýar. — Ol ýurtda adalatly, dogruçyl we paýhasly bolup patyşalyk eder+.

  • Hyzkyl 22:27
    Mukaddes Kitap

    • 27 Han-begleriň awuny parçalaýan möjekler ýaly boldy. Olar haram gazanç etmek üçin adamlary öldürip, bigünä gan dökýärler+.

  • Hyzkyl 46:18
    Mukaddes Kitap

    • 18 Baştutan halkyň elinden mirasyny zorluk bilen almasyn, olary mülkünden kowup çykarmasyn. Halkymyň mülki elinden alynmaz ýaly, ol ogullaryna öz mülkünden miras bersin“».

  • Mikaý 3:1—3
    Mukaddes Kitap

    • 3 Men şeýle diýdim: «Ýakubyň baştutanlary,

      Ysraýyl hökümdarlary, diňlemegiňizi haýyş edýärin!+

      Siz adalatly bolmaly dälmi näme?

       2 Siz ýagşylygy ýigrenip+, ýamanlyk etmegi halaýarsyňyz+,

      Halkymyň hamyny soýup,

      Etini süňkünden sypyrýarsyňyz+.

       3 Siz halkymyň hamyny soýup,

      Etini iýýärsiňiz+.

      Gazana atyljak, gazanda gaýnadyljak et kimin,

      Halkymyň süňklerini bölek-bölek edýärsiňiz+.