8 Sabat gününi hemişe mukaddes hasaplaň+. 9 Ähli işiňizi alty günde ediň+. 10 Ýedinji gün Ýehowa Hudaýyňyza bagyşlanan Sabat günüdir. Şol gün hiç hili iş etmäň, ogul-gyzlaryňyz, gul-gyrnaklaryňyz, mal-garalaryňyz, araňyzda ýaşaýan gelmişekler hem işlemeli däldir+.

3 Ähli işiňizi alty günde ediň. Ýedinji gün doly dynç alynýan Sabatdyr+, mukaddes ýygnak günüdir. Şol gün hiç hili iş etmäň. Nirede ýaşasaňyz⁠-⁠da, ol Ýehowa bagyşlanan Sabat güni bolsun+.

24 «Ysraýyllara aýt: „Ýedinji aýyň birine doly dynç alyň. Şol gün surnaý çalyp+, mukaddes ýygnak geçiriň.

4 Ýedinji ýyl bolsa topraga doly dynç beriň. Ol Ýehowa bagyşlanan Sabat ýyly bolsun. Şol ýyl ekin ekmäň, üzümleri gyrkmaň.

11 Siziň üçin 50⁠-⁠nji ýyl Azatlyk ýyly bolsun. Şol ýyl ekin ekmäň, gaçyp galan dänelerden gögeren gallany ormaň, gyrkylmadyk üzümiň miwesini ýygnamaň+.