• 5 Musa 28:49, 50
    Mukaddes Kitap

    • 49 Ýehowa uzakdan, ýeriň aňry ujundan diline düşünip bolmaýan bir halky+ üstüňize iberer+. Olar awuna okdurylan bürgüt ýaly hüjüm ederler+. 50 Olar garryny sylamaýan, çaga rehim etmeýän zalym halkdyr+.

  • 2 Patyşalar 15:29
    Mukaddes Kitap

    • 29 Ysraýyl patyşasy Pekasyň höküm süren döwri Assiriýa patyşasy Tiglatpileser+ Iýony, Abyl⁠-⁠beýtmagagy+, Ýanowany, Kedeşi+, Hasory, Jeliläni, Gileady+, tutuş Naftaly+ topragyny basyp aldy, ilatyny bolsa Assiriýa+ ýesirlige äkitdi.

  • 2 Patyşalar 17:6
    Mukaddes Kitap

    • 6 Hoseýanyň hökümdarlygynyň dokuzynjy ýylynda, Assiriýa patyşasy Samariýany basyp aldy+. Ol ysraýyllary Assiriýa ýesirlige äkidip+, Halahda, Gozan derýasynyň boýundaky Haborda+ we midiýalylaryň şäherlerinde ýaşatdy+.

  • Işaýa 7:20
    Mukaddes Kitap

    • 20 Şol gün Ýehowa derýanyň* aňyrsyndan Assiriýa patyşasyny+ dellekçi ýaly hakyna tutup, siziň saçyňyzy, aýagyňyzyň tüýüni we sakgalyňyzy syrdyrar.

  • Işaýa 8:4
    Mukaddes Kitap

    • 4 Çagaň „kaka, eje“ diýip dil açmanka, Damasgyň hazynasy we Samariýanyň baýlygy Assiriýa patyşasynyň köşgüne äkidiler»+.

  • Işaýa 10:5, 6
    Mukaddes Kitap

    •  5 «Serediň, assiriýaly+ gelýär!

      Ol meniň gazaply hasamdyr+,

      Temmi taýagym elindedir!

       6 Men assiriýalyny imandan dänen milletiň+,

      Gaharymy getiren halkyň üstüne ibererin.

      Men oňa halky talamagy, köp olja almagy,

      Olary köçedäki palçyk kimin depelemegi buýraryn+.

  • Hoşeýa 10:6
    Mukaddes Kitap

    •  6 Ony Assiriýa äkidip, beýik patyşa+ sowgat bererler.

      Efraýym masgara bolar.

      Ysraýyl boş sözlere gulak asyp, utanja galar+.