57 Agşamara arimatiýaly Ýusup atly baý adam geldi. Ol hem Isanyň şägirdidi+. 58 Ýusup Pilatusyň ýanyna baryp, Isanyň jesedini sorady+. Pilatus hem jesedi bermegi buýurdy+. 59 Ýusup Isanyň jesedini arassa we nepis* mata dolady+. 60 Ol Isany gaýada oýup ýasalan täze mazarda jaýlady+. Soňra mazaryň agzyna uly daş goýup gitdi.

43 Mejlisiň abraýly agzasy arimatiýaly Ýusup geldi. Ol Hudaýyň Patyşalygynyň gelmegine garaşýardy. Ol batyrgaýlyk bilen Pilatusyň ýanyna baryp, Isanyň jesedini sorady+. 44 Pilatus Isanyň eýýäm ölendigini eşidip, geň galdy we anyklamak üçin serkerdeden sorady. 45 Pilatus Isanyň ölendigine göz ýetirensoň, jesedi Ýusuba berdi. 46 Ýusup nepis* mata satyn aldy. Ol Isanyň jesedini pürsden düşürip, şol mata dolady. Soňra ony gaýada oýulyp ýasalan mazarda jaýlady⁠-⁠da, agzyna daş goýdy+.

38 Isanyň Ýusup atly şägirdi bardy, ýöne ol ýehudylardan gorkup, muny hiç kime aýtmaýardy+. Ýusup Pilatusdan Isanyň jesedini alyp gitmäge rugsat sorady, ol hem rugsat berdi. Şonda Ýusup Isanyň jesedini äkidip jaýlady+.