Zebur
94 Eý Ýehowa, sen ar alýan Hudaý!+
Ar alýan Hudaýym, güýjüňi görkez!
2 Ýer ýüzüniň Kazysy, aýaga gal!+
Gopbamsylaryň almytyny ber+.
3 Erbetler haçana çenli döwran sürer?
Eý Ýehowa, haçana çenli?+
4 Olar agzyny dolduryp, boş gepleýär.
Günäkärler hondanbärsi bolýar.
5 Halkyňy ezýärler+,
Eý Ýehowa, mirasyňy harlaýarlar.
6 Olar dul aýallary, gelmişekleri öldürýärler,
Ýetim çagalaryň ganyna galýarlar.
8 Eý akmaklar, düşüniň!
Eý akylsyzlar, haçan akylyňyza aýlanarsyňyz?+
9 Gulagy ýaradan eşitmezmi?
Göze şekil beren görmezmi?+
10 Milletlere terbiýe berýän käýemezmi?+
Ol halklara bilim berýän Hudaýdyr+.
11 Ýehowa ynsanlaryň pikirini bilýär,
Olaryň oý-pikiriniň bary biderekdir+.
12 Eý Ýah, seniň terbiýeleýän ynsanyň nähili bagtly!+
Sen oňa kanunlaryňy öwredýärsiň+.
13 Erbetler çukura* düşýänçä,
Bendäňe dertli gününde rahatlyk berýärsiň+.
15 Indi adalatly höküm çykarylar,
Päk ýürekli ynsanlar ony berjaý ederler.
16 Kim meniň üçin erbetler bilen söweşer?
Kim meniň üçin günäkärleriň garşysyna çykar?
18 «Aýagym taýdy» diýen wagtym,
Eý Ýehowa, wepaly söýgiň* bilen goldadyň+.
20 Kanunyň adyndan adalatsyzlyk edýän+,
Zalym kazylar bilen ylalaşyk baglaşarmyň?
22 Ýehowa meniň galam bolar,
Hudaýym meniň arkadagymdyr+.
23 Zalymlaryň erbetligi öz başyna iner+,
Zalym işleri olary ýok eder.