Zebur

119 Ýehowa Hudaýa wepaly* adam,

Kanunyny berjaý edýän adam bagtlydyr!+

 2 Hudaýy ýürekden gözleýän+,

Öwüt⁠-⁠ündewine* gulak asýan adam bagtlydyr!+

 3 Ol adalatsyzlyk etmeýär,

Allanyň ýolundan ýöreýär+.

 5 Men berk durup bilsedim+,

Kanunlaryňy ýerine ýetirerdim.

 7 Hökümleriňi öwrenip,

Seni ak ýürekden wasp edeýin.

11 Saňa garşy günä etmez ýaly+,

Sözleriňi kalbymda saklaýyn+.

12 Maňa kanunlaryňy öwret,

Eý Ýehowa, seni şöhratlandyraýyn!

13 Agzyňdan çykan hökümleriňi,

Dilim bilen yglan edýärin.

14 Seniň öwüt⁠-⁠ündewiňi diňläp begenýärin+,

Dünýäniň baýlygyna eýe bolan ýaly şatlanýaryn+.

15 Buýruklaryň hakda oýlanýaryn*+,

Ýollaryň hakda pikir edýärin+.

17 Guluňa ýagşylyk et,

Sözüňi berjaý edip uzak ýaşaýyn+.

18 Gözlerimi aç,

Kanunyňda ýazylan ajaýyp pikirlere düşüneýin*.

20 Hökümleriňe garaşmakdan ýaňa

Güýç⁠-⁠kuwwatym galmady.

21 Tabşyryklaryňy bozanlara+,

Nälet siňen tekepbirlere jeza berýärsiň.

22 Masgaraçylyga we kemsitmä ýüzüm düşmesin,

Sebäbi öwüt⁠-⁠ündewiňe gulak asýaryn.

23 Hatda han⁠-⁠begler men hakda erbet zatlary aýdýarlar,

Guluň bolsa kanunlaryň hakda oýlanýar.

24 Öwüt⁠-⁠ündewleriňi ýürekden söýýärin+,

Olary maslahatçym kimin görýärin+.

26 Saňa ýüregimi dökdüm, sen hem maňa jogap berdiň.

Kanunlaryňy maňa öwret+.

27 Maňa buýruklaryň düýp manysyny düşündir,

Ajaýyp işleriň hakda oýlanaýyn+.

29 Kanun berip, maňa rehim et,

Meni egri ýoldan ýöretme+.

32 Tabşyryklaryňy höwes bilen berjaý ederin,

Sebäbi olary kalbyma ýazdyň*.

33 Eý Ýehowa, kanunlaryňy öwret+,

Olary ömürboýy berjaý edeýin+.

34 Maňa düşünje ber,

Kanunlaryňy öwreneýin,

Bütin ýüregim bilen berjaý edeýin.

35 Goldaw ber, tabşyryklaryňy ýerine ýetireýin+,

Sebäbi olardan lezzet alýaryn.

36 Öwüt⁠-⁠ündewiňi gulagyma guý,

Nebsime çapmaýyn+.

37 Gözümi biderek zatlardan sow+,

Aman⁠-⁠esen ýaşar ýaly öz ýoluňdan ýöret.

38 Guluňa beren sözüňi berjaý et,

Goý, adamlar senden gorksun*.

39 Biabraý bolmakdan gorkýaryn,

Masgaraçylykdan gora,

Sebäbi hökümleriň gowudyr+.

41 Eý Ýehowa, wepaly söýgiňden* ganaýyn+,

Wadaňda durup, halas edişiňi göreýin+.

42 Şonda üstümden gülýänlere jogap bererin,

Sebäbi sözüňe bil baglaýaryn.

43 Ýardam et, hakykat sözleri dilimden düşmesin,

Sebäbi hökümiňe garaşýaryn.

44 Kanunyňy hemişe,

Ebedilik berjaý ederin+.

45 Buýruklaryňy ýerine ýetirip,

Giň sährada asuda ýaşaýaryn+.

46 Patyşalara öwüt⁠-⁠ündewleriňi gürrüň bererin,

Men asla utanmaryn+.

47 Kalbym tabşyryklaryňa baglydyr,

Olary janymdan eziz görýärin+.

48 Saňa doga edýärin, sebäbi tabşyryklaryňy söýýärin+,

Kanunlaryň hakda oýlanýaryn+.

49 Guluňa beren wadaňy unutma,

Sözüň maňa umyt berýär.

50 Jebir⁠-⁠jepa çekenimde, wadalaryň teselli berýär+,

Ýaşamaga güýç berýär.

51 Ulumsy adamlar meni ezýär,

Men şonda⁠-⁠da kanunyňy bozmaýaryn+.

52 Eý Ýehowa, gadymky hökümleriň hakda oýlanýaryn+,

Olar maňa teselli berýär+.

53 Kanunyňy bozýan erbet adamlary görenimde,

Gaharym ot kimin tutaşýar+.

54 Nirede ýaşasam⁠-⁠da,

Kanunlaryň kalbymda mukam kimin ýaň salýar.

55 Eý Ýehowa, kanunlaryňy ýerine ýetirer ýaly,

Gijelerine adyň hakda oýlanýaryn+.

56 Muny özüme endik edindim,

Sebäbi buýruklaryňy berjaý edýärin.

57 Eý Ýehowa, sen meniň paýym+,

Sözüňi berjaý etmegi wada berýärin+.

58 Bütin kalbym bilen saňa ýalbarýaryn+,

Wadaňa görä, ýagşylyk et+.

59 Öwüt⁠-⁠ündewleriň boýunça ýaşar ýaly+,

Yzyma ser salýaryn.

60 Men eglenmerin, howlugaryn,

Tabşyryklaryňy berjaý ederin+.

61 Erbetleriň ýüpi meni baglady,

Men şonda⁠-⁠da kanunyňy unutmaýaryn+.

62 Ýarygije turup, saňa şükür edýärin+,

Sebäbi hökümleriň adyldyr.

63 Buýruklaryňy berjaý edýän adamlar,

Senden gorkýan ynsanlar meniň dostumdyr+.

64 Eý Ýehowa, ýer ýüzi ýagşylygyňdan* doly+,

Öwret maňa kada⁠-⁠kanunlaryňy.

65 Eý Ýehowa, beren wadaňa görä,

Guluňa ýagşylyk etdiň.

66 Tabşyryklaryňa bil baglaýaryn,

Maňa akyldarlyk hem bilim ber+.

67 Men azaşypdym*, agyr hala düşüpdim,

Indi sözüňi berjaý edýärin+.

69 Tekepbirler maňa töhmet atýar,

Men şonda⁠-⁠da buýruklaryňy berjaý edýärin.

70 Olaryň ýüregi daşdan hem gaty+,

Meniň köňlüm bolsa kanunyňa bagly+.

71 Görgi görenim peýdama boldy+,

Kanunlaryňa eýerip ýaşamagy öwrendim.

72 Çykaran kanunyň peýdama boldy+,

Müňlerçe altyn⁠-⁠kümüş teňňeden hem gymmatly boldy+.

74 Senden gorkýanlar meni görüp begenýär,

Sebäbi sözüňe umyt edýärin+.

75 Eý Ýehowa, hökümleriň adalatly+,

Sen wepaly, şonuň üçin temmi berýärsiň+.

76 Guluňa beren sözüňde durup,

Wepaly söýgiň+ bilen göwünlik ber.

77 Maňa rehim eýle, uzak ömür süreýin+,

Sebäbi meniň köňlüm kanunyňa bagly+.

78 Nähak ýere* maňa ýamanlyk edýänler,

Tekepbirler utanja galsyn.

79 Goý, senden gorkýan adamlar,

Öwüt⁠-⁠ündewiňi diňleýänler meniň tarapyma geçsin.

80 Kanunlaryňa doly eýereýin+,

Men utanja galmaýyn+.

81 Men sözüňe umyt edýärin,

Halas ederiňe garaşýaryn+.

82 Sözüňe sabyrsyzlyk bilen garaşýaryn+,

«Haçan teselliňden ganaryn?» diýýärin+.

83 Men tüsseden garalan meşik ýaly boldum,

Ýöne kanunlaryňy unutmadym+.

85 Kanunyňa boýun egmeýänler,

Tekepbirler maňa çukur gazýarlar.

87 Meni ýer ýüzünden ýok etmekçi boldular,

Men şonda⁠-⁠da buýruklaryňdan ýüz öwürmedim.

88 Maňa ýagşylyk et*, uzak ömür süreýin,

Seniň öwüt⁠-⁠ündewiňe gulak asaýyn.

91 Seniň hökümleriň bilen, olar* şu güne çenli berk dur.

Ýaradan zatlaryň ählisi saňa hyzmat edýär.

92 Eger kanunyňy söýmedik bolsam,

Jebir⁠-⁠jepa içinde ýok bolardym+.

93 Seniň buýruklaryňy hiç haçan unutmaryn,

Olary ýerine ýetirip uzak ömür sürerin+.

94 Men seniň guluň, meni halas et+.

Sebäbi buýruklaryňy ýürekden berjaý edýärin+.

95 Erbetler meni ýok etmekçi bolsa⁠-⁠da,

Men öwüt⁠-⁠ündewleriňe ýürekden gulak asýaryn.

96 Men ähli kämilligiň çägini gördüm,

Emma seniň tabşyryklaryň çäksizdir.

98 Seniň tabşyryklaryň hemişe kalbymdadyr,

Olar meni duşmanlarymdan paýhasly edýär+.

99 Mugallymlarymdan hem paýhasly boldum+,

Sebäbi öwüt⁠-⁠ündewiň hakda oýlanýaryn.

100 Garrylardan hem paýhasly boldum,

Sebäbi buýruklaryňa eýerip ýaşaýaryn.

101 Seniň sözüňi berjaý edýärin,

Zalymlaryň ýolundan ýöremerin+.

102 Hökümleriňi doly berjaý edýärin,

Sebäbi sen maňa tälim berýärsiň.

103 Sözleriň dilimde nähili süýji,

Agzymda baldan hem datly!+

105 Sözüň aýaklaryma çyra,

Ýoluma nurdur+.

106 Adyl hökümleriňi öwrenerin diýip ant içdim,

Beren wadamy berjaý ederin.

108 Eý Ýehowa, maňa hökümleriňi öwret+,

Alkyş sözlerim* ýüregiňi şatlandyrsyn+.

109 Howp astynda bolsa⁠-⁠da janym,

Ýüregim unutmaz kada⁠-⁠kanunyň+.

110 Duzak gursa⁠-⁠da maňa duşmanym,

Buýruklaryňdan ýüz öwürmerin+.

111 Öwüt⁠-⁠ündewleriň ebedilik mirasym,

Olar meniň guwanjym hem begenjim+.

112 Men ömrümiň ahyryna çenli

Kanunlaryňa eýermegi ýüregime düwdüm.

113 Ikiýüzlüleri* ýigrenýärin+,

Seniň kanunyňy söýýärin+.

114 Sen meniň penam, galkanym+,

Seniň sözüňe umyt edýärin+.

115 Hudaýyň tabşyryklaryny berjaý ederin,

Eý zalymlar, meniň golaýyma gelmäň+.

116 Wada berişiň ýaly maňa kömek et+,

Uzak ömür süreýin,

Meniň umydymy üzme+.

117 Golda meni, halas eýle+,

Seniň kanunlaryňy berjaý edeýin+.

118 Ýalançylar, hilegärler kanunlaryňy bozýarlar,

Şeýle adamlardan ýüz öwürýärsiň+.

120 Senden gorkup sandyraýaryn,

Çykaran hökümleriňden heder edýärin.

122 Guluňa abadançylyk ber*,

Tekepbirler maňa azar bermesin.

123 Ygtybarly wadaňa+, halas ederiňe garaşyp,

Güýçden gaçýaryn+.

124 Guluňa ýagşylyk et*+,

Kanunlaryňy öwret+.

125 Guluňa düşünje ber+,

Seniň öwüt⁠-⁠ündewleriňe gulak asaýyn.

126 Ýehowanyň höküm etmeli wagty geldi+,

Sebäbi onuň kanunyny bozdular.

127 Men bolsa seniň tabşyryklaryňy söýýärin,

Olary altyndan, sap altyndan gymmatly görýärin+.

128 Hilegärleriň ýoluny ýigrenýärin+,

Seniň görkezmeleriňi dogry hasaplaýaryn+.

130 Sözüň düşündirilse, ynsanyň bilimi artýar+,

Tejribesiz* adam düşünjeli bolýar+.

131 Tabşyryklaryňa garaşmakdan ýaňa

Ýüregim gürsüldäp urýar+.

132 Adyňy söýýänler üçin hökümiňi ýerine ýetir+,

Maňa nazar sal, rehim eýle+.

133 Erbetlik içimde höküm sürmesin+,

Sözleriň ädimlerimi ugrukdyrsyn.

134 Meni duşmanlardan halas et,

Buýruklaryňy berjaý edeýin.

135 Ýüzüň nury maňa ýalkym saçsyn+.

Maňa kanunlaryňy öwret.

136 Adamlar kanunyňy bozýarlar,

Gözýaşlarym sil deý akýar+.

137 Eý Ýehowa, sen dogruçyl+,

Hökümleriň adalatly+.

138 Öwüt⁠-⁠ündewleriň hakdyr,

Ynama mynasypdyr.

139 Yhlasym içimde ot bolup ýanýar+,

Sebäbi duşmanlarym seniň sözüňi unutdy.

140 Seniň sözleriň päkdir+,

Guluň olary söýýär+.

141 Meni kemsitseler⁠-⁠de, adam hasabynda görmeseler⁠-⁠de+,

Buýruklaryňy unutmadym.

142 Dogruçyllygyň ebedi dowam edýändir+,

Kanunyň hakdyr+.

143 Agyr günler başyma inse⁠-⁠de,

Kalbym tabşyryklaryňa baglydyr.

147 Daň atmanka oýanyp, kömek soraýaryn+,

Sözüňe umyt baglaýaryn.

148 Ýarygije oýanýaryn,

Sözleriň hakda oýlanýaryn+.

150 Azgyn adamlar daşyma üýşýärler,

Olar kanunyňdan ýüz öwürýärler.

151 Eý Ýehowa, sen meniň hossarym*+,

Ähli tabşyryklaryň hakdyr+.

152 Ebedilik beren öwüt⁠-⁠ündewleriňi+

Öňden bäri öwrenip gelýärin.

153 Jebir⁠-⁠jepamy gör, meni halas et+,

Sebäbi kanunyňy unutmadym.

154 Meni gora, meni azat et+,

Beren wadaňa görä, janymy gutar.

155 Kanunlaryňy öwrenmeýän adamlar,

Erbet adamlar halas bolmazlar+.

157 Ýagylarym, janymyň kastyna çykanlar köpelse⁠-⁠de+,

Öwüt⁠-⁠ündewiňi unutmaýaryn.

158 Dönükleri ýigrenýärin,

Sebäbi olar sözüňe gulak asmaýar+.

160 Seniň sözüň* hakykatdyr+,

Adyl hökümleriň ebedilikdir.

161 Han⁠-⁠begler meni nähak ýere yzarlaýarlar+,

Emma seniň sözüňe çuňňur hormat goýýaryn+.

162 Genji⁠-⁠hazyna tapan deý,

Sözleriňi diňläp şatlanýaryn+.

163 Aldawy ýigrenýärin, ýek ýigrendigim ýalan sözdür+,

Seniň kanunyňy bolsa söýýärin+.

164 Adalatly hökümleriň üçin,

Her gün saňa ýedi sapar alkyş aýdýaryn.

165 Kanunyňy söýýänler parahatlykda ýaşaýar+,

Olary hiç zat büdretmez.

166 Eý Ýehowa, halas ederiňe garaşýaryn,

Tabşyryklaryňa eýerýärin.

167 Öwüt⁠-⁠ündewiňe gulak asýaryn,

Olary janymdan eziz görýärin+.

168 Sen her bir ädimimi görýärsiň+,

Şonuň üçin buýruklaryňy berjaý edýärin,

Öwüt⁠-⁠ündewleriňe gulak asýaryn.

171 Dilim saňa alkyş aýtsyn+,

Maňa kanunlaryňy öwredýärsiň.

172 Dilim saňa aýdym aýtsyn+,

Tabşyryklaryň hakdyr.

173 Goluň maňa ýardam bersin+,

Buýruklaryňy berjaý etmegi ýüregime düwdüm+.

174 Eý Ýehowa, halas etmegiňi ýürekden isleýärin,

Ýüregim kanunyňa baglydyr+.

175 Maňa uzak ömür ber, saňa alkyş aýdaýyn+,

Hökümleriň bilen maňa ýardam ber.

176 Men guzy kimin azaşdym+.

Ýiten guluňy agtar,

Sebäbi tabşyryklaryňy unutmadym+.